Tiranë- Një 41-vjeçar i dënuar më parë edhe në Francë për seri plaçkitjesh të banesave dhe bizneseve, është arrestuar nga Policia e Tiranës në një tjetër vepër penale të ngjashme.
Aksioni u krye nga Komisariati i Policisë Nr. 4, i koduar "Rikthimi". Burime zyrtare thanë se i ndaluari është S.H., banues në kryeqytet, ndaj të cilit u ngrit vepra penale e “vjedhjes”.
Nga verifikimet paraprake hetimore rezulton se i dyshuari ka vjedhur një shumë parash dhe steka me cigare në një market, në rrugën "Sitki Çiço" në kryeqytet.
![](https://shqiptarja.com/template/img/NO_ALFA_Kuadrate shqiptarja.png)
“Në cilësinë e provës materiale u sekuestruan stekat e vjedhura, një shumë parash si dhe veshje të cilat autori i dyshuar i ka përdorur gjatë kryerjes së vjedhjes”, njoftoi policia për rastin.
Ekspertët po bëjnë verifikime për krahasim gjurmësh daktiloskopike, nëse 41-vjeçari ka kryer krime të ngjashme brenda dhe jashtë vendit gjatë kësaj kohe.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Jam kurioz qa ka marr? Cilat produkte dhe sa perqind ulje?
Përgjigju