POP 5

Lajmet më të lexuara të 5 minutave të fundit

Kronikë

Tiranë, luftë me flakët, plagoset
efektivi i Forcave të Armatosura

Gjatë operacioneve për shuarjen e zjarreve në malin e Derjes, në Shëngjergj është lënduar një efektiv i Forcave të Armatosura. Efektivi i lënduar në këmbë është nënoficeri i batalionit special, tetar Skënder Hidri. Hidri u dërgua për ndihmë mjekësore në spital ku gjendja e shëndetësore paraqitet e qëndrueshme.
Tiranë, luftë me flakët, plagoset<br />efektivi i Forcave të Armatosura
TIRANE-Gjatë operacioneve për shuarjen e zjarreve në malin e Derjes, në Shëngjergj është lënduar një efektiv i Forcave të Armatosura.
 
 Nënoficeri i batalionit special, tetar Skënder Hidri mësohet se në luftë me flakët për shuarjen e zjarrit është lënduar në këmbë.
 
Hidri u dërgua menjëherë për ndihmë mjekësore në spital ku gjendja e shëndetësore paraqitet e qëndrueshme.
 
Skënder Hidri ishte së bashku me efektivë të tjerë të Forcave te Armatosura në operacion në Shëngjergj në momentin që u lëndua nga flakët që kanë përfshirë zonën pyjore.
 
 Zjarri është aktiv në këtë zonë prej 2 ditësh, ndërsa për shuarjen e tij në malin e Derjes janë angazhuar rreth 50 efektivë të Forcave te Armatosura.
 
Efektivët e Forcave të Armatosura janë angazhuar javët e fundit në disa operacione nga veriu në jug të vendit për të shuar zjarret që kanë përfshirë Shqipërinë nga temperaturat e larta, por edhe rastet e qëllimshme. 

Zjarret, probleme në Mat, Ardenicë, Vlorë/ 15 vatrat
Gjatë 24 orëve të fundit në vendin janë shënuar 15 vatra zjarri në qarqet kryesore të vendit, Vlorë, Elbasan, Tiranë, Dibër, Korçë, Mat, etj.
 
Në operacionet për shuarjen e zjarreve janë angazhuar 125 punonjës zjarrfikës, 21 automjete zjarrfikëse, 160 forca të armatosura të Ushtrisë. Gjithashtu mësohet se për fikjen e zjarrit janë angazhuar edhe  mbi 60 vullnetarë.
 
Emergjencat Civile bëjnë me dije se për shuarjen e zjarreve janë angazhuar dy avionë të vegjel nga shteti grek, të cilët kanë ndërhyrë  në vatrat e zjarrit në llogara. Drejtoria e Përgjithshme e Emergjencave Civile përsërit thirrjen ndaj të gjithë qytetarëve që në rast se konstatojnë zjarre, të njoftojnë menjëherë në numrat e emergjencave 112, 129 dhe 128.

Mbytja e pushuesve dhe zjarret, LSI: Bilanc lufte, Rama turist
Kryetari i grupit të LSI, Petrit Vasili e cilëson si verën më të rëndë për shqiptarët duke e krahasuar me një bilanc lufte.
 
Vasili shprehet se tragjedia e të mbyturve në plazhet shqiptare nuk ka të sosur dhe zjarret po shkretojnë vendin dhe pasuritë e qytetarëve.
 
Ndërsa kryeministri sipas tij është turist, duke vijuar pushimet, ndërsa të gjithë qytetarët janë në ankth.

Deputetja e PD sulmon ministrin e LSI: Papërgjegjshmëri totale
Deputetja demokrate, Dhurata Çupi ka reaguar pas situatës së zjarreve në qarkun e Dibrës duke fajësuar ministrin e LSI, Lefter Koka dhe qeverinë.

Dhurata Çupi akuzon se qeveria ka edhe një ministri për mirëmbajtjen e pyjeve, ndërsa shton se qeveritarët po pushojnë nëpër plazhe duke mos u shqetësuar për zjarret.

dy.b/shqiptarja.com
 

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Namir Lapardhaja: Zgjedhja e drejtuesit të SPAK nga populli, hapi i nevojshëm për pavarësinë e vërtetë të drejtësisë

Namir Lapardhaja: Zgjedhja e drejtuesit të SPAK nga populli, hapi i nevojshëm për pavarësinë e vërtetë të drejtësisë

25 Nëntor, 10:25 nga Namir Lapardhaja