POP 5

Lajmet më të lexuara të 5 minutave të fundit

Kronikë

Tiranë/ Shitje droge, vjedhje dhe thyerje e masës së Gjykatës, 5 të arrestuar në pak orë në kryeqytet

Policia e Tiranës zhvillon aksione në të gjithë territorin, ndalimet nga Antidroga dhe Komisariatet nr. 1 dhe 4. Sekuestrohen sasi kokaine, kanabisi dhe sende të vjedhura

Tiranë/ Shitje droge, vjedhje dhe thyerje e masës së Gjykatës, 5 të arrestuar në pak orë në kryeqytet

Foto ilustruese

Tiranë- Pesë persona janë arrestuar brenda pak orëve në kryeqytet nga Policia e Tiranës, mes të cilëve dy për akuzën e prodhimit dhe shitjes së drogës, dy për vjedhje dhe i fundit për thyerjen e masës së sigurisë së gjykatës.

Specialistët e Sektorit për Hetimin e Narkotikëve bënë me dije sot (21 Shtator), se arrestuan 40-vjeçarin me inicialet A. H., dhe J. H., 33 vjeç, banues në Tiranë.

“Gjatë kontrolleve fizike shërbimet i gjetën dhe sekuestruan në cilësinë e provës materiale, sasi lënde të dyshuara narkotike kokainë dhe kanabis”, konfirmoi policia.

Kurse specialistët për Hetimin e Krimeve në Komisariatin e Policisë Nr. 1 ndaluan shtetasin F. A., 55 vjeç, banues në Durrës, pasi dyshohet se ka vjedhur një portofol në një lokal dhe ata të Komisariatit të Policisë Nr. 4 arrestuan K. K., 21 vjeç, banues në Tiranë, pasi “dyshohet se ka vjedhur një shumë parash në një banesë”.

I fundit është prangosur nga policia e kryeqytetit edhe Sh. Gj., 40 vjeç, pasi akuzohet se ka shkelur masën e sigurisë "arrest në shtëpi" që i kishte dhënë Gjykata e Shkallës së Parë.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ervin Salianji dënohet me 1 vit burg për kallëzim të rremë, si e vlerësoni?

Lajme të tjera



×

Lajmi i fundit

Kremlini: Doktrina e re bërthamore është paralajmërim për Perëndimin

Kremlini: Doktrina e re bërthamore është paralajmërim për Perëndimin

26 Shtator, 22:52