POP 5

Lajmet më të lexuara të 5 minutave të fundit

Kronikë

Tiranë, shpërthim në banesën e
ish-sigurimsit, plagoset e motra

Sulmohet nga jashtë me eksploziv artizanal banesa e ish efektivit të Shërbimit Informativ Ushtarak dhe Shërbimit Informativ Shtetëror Ilir Dako.  Në pallatin e ish-agjentit sekret që prej vitit 2006 është në pension, banojnë edhe deputetë dhe ish-deputetë.  (Foto: Ballkoni që u dëmtua nga shpërthimi) FOTO
Tiranë, shpërthim në banesën e<br />ish-sigurimsit, plagoset e motra
TIRANE- Sulmohet nga jashtë me eksploziv artizanal banesa e ish-efektivit të Shërbimit Informativ Ushtarak dhe Shërbimit Informativ Shtetëror, Ilir Dako. 

Xhamat e dritares të thyera nga shpërthimi kanë rënë mbi motrën e Dakos, e cila ka marrë plagë të lehta dhe pas ndihmës së parë mjekësore është plotësisht jashtë rrezikut për jetën.

Ngjarja e rëndë ka ndodhur rreth orës 02:40 pas mesnate duke u gdhirë dita e hënë (sot), në rrugën “Ymer Kurti”, në zonën e Tiranës së Re, përballë gjimnazit “Petro Nini Luarasi”. 

Në pallatin e ish-agjentit sekret që prej vitit 2006 është në pension, banojnë edhe deputetë dhe ish-deputetë, siç janë Fidel Ylli, Sulejman Starova, Neritan Ceka dhe Paskal Milo, çfarë ka bërë që policia të përfshijë në hetime edhe pistën e një gabimi në objektiv duke hetuar edhe kërcënime të mundshme ndaj këtyre.

Madje një kat më poshtë banesës së Dakos, banon me qera një prej zëvendësministrave të bujqësisë, ballkoni i të cilët është dëmtuar gjithashtu nga shpërthimi.

Në pallatin ku ndodhi shpërthimi deri 2 javë më parë kanë banuar rreth 30 muxhahedinë të rezistencës iraniane të cilët kanë mbërritur në Shqipëri sipas një marrëveshjeje me Shtetet e Bashkuara të Amerikës, por sipas policisë nuk ka prova që të ketë lidhje mes tyre dhe ngjarjes.

Familjarët e Ilir Dakos, jashtë kamerave shprehen të habitur me gjithë çfarë ka ndodhur. 

“Jetojmë këtu që prej 16 vjetësh dhe asnjëherë nuk kemi pasur probleme, në këtë pallat gjysma janë deputetë. E vetmja mundësi është që të kenë ngatërruar shenjestër”, thonë familjarët që ende nuk e kanë mbledhur veten nga shpërthimi. 

Komshinjtë tregojnë që Dako prej 10 vitesh ai ishte i papunë, ndërsa nuk ka as ndonjë biznes.

ORA 11:20 POLICIA: NGA SHPRETHIMI NJE GRUA E LENDUAR
Ndërkaq, Policia e Tiranës ka bërë të ditur se nga shpërthimi është lënduar një grua, motra e Ilir Dakos, Vasilika Dako. Policia ka ngritur një grup hetimor për këtë çështje.
 
Sipas policisë, “më datë 10 mars 2014, ora 02:40  në rrugën “Ymer Kurti” në Tiranë, në katin e 3-të të një pallat të ri, në pronësi të shtetasit Ilir Dako, ka ndodhur një shpërthim, ku është dëmtuar lehtë 60-vjeçarja me inicialet V. D., 60 vjeç, e cila u dërgua në Spitalin Ushtarak jashtë rreziku për jetën.
 
“Aktualisht, grupi hetimor në vendngjarje po punojnë për identifikimin e kapjen autorëve si dhe sqarimin e rrethanave të ngjarjes”, bëri të ditur Policia e Tiranës.

shperthimi ne tirane me logo
(Foto: Ballkoni i banesës së Ilr Dakos që u dëmtua nga shpërthimi)Foto të tjera

Redaksia Online
(sg/ak/Shqiptarja.com)

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati ndaj kushëririt të Inez Hajrullës, i riu dërgohet te Trauma! U qëlluan 30 plumba ndaj tij, kontrolle në disa banesa në Vlorë (VIDEO)

Atentati ndaj kushëririt të Inez Hajrullës, i riu dërgohet te Trauma! U qëlluan 30 plumba ndaj tij, kontrolle në disa banesa në Vlorë (VIDEO)

19 Dhjetor, 07:50