TIRANË-Gjashtë fëmijë janë lënduar në një pishinë private pasi u thye trampolina me të cilën kërcenin në ujë.

Ngjarja është regjistruar sot pasdite në periferi të Tiranës, në Sauk, ndërsa fëmijët ndodhen në gjendje të mirë shëndetësore, por me gërvishtje të lehta, ndersa vetem njeri prej tyre ka thyer krahun.

Fëmijët të shoqëruar nga prindërit kishin vendosur t’u largoheshin temperaturave të nxehta duke u freskuar në pishina, ndaj i ishin drejtuar një kompleksi në Sauk.

Shqiptarja.com meson se, rreth orës 15:30, teksa po laheshin, 7 prej fëmijëve, të moshave 14-16vjeç hipën në një trampolinë, por kjo e fundit thyhet, ndersa femijet bien në pllakat buzë pishinës e më pas në ujë.

Ka qenë ndërhyrja e prindërve që nxituan tek fëmijët duke u ardhur në ndihmë.

Fëmijët janë tronditur por fatmirësisht plagët kanë qenë të lehta. Ata ndodhen aktualisht në kujdesin e mjekëve.