TIRANË- Një operacion i Krimit Ekonomik të Policisë së Tiranës zbuloi një depo të mbushur me mbi 10 mijë suplemente ushqimore dhe bimore të skaduara e të kontrabanduara, që i përkisnin firmës "Limited Charm", me pronar nga Bosnjë-Hercegovina.
Policia shpalli në kërkim administratorin e subjektit, boshnjakun Jasmin Trebo, ndërsa për dy punonjës të magazinës nisi hetimi në gjendje të lirë. Operacioni që u kodua “Audienca”, u zhvillua pas një hetimi disamujor, dhe rezultoi se produktet, kryesisht kremra bimore dhe çajra, prodhoheshin në Serbi dhe Bosnjë-Hercegovinë.
Produktet futeshin ilegalisht në Shqipëri dhe shiteshin përmes reklamave masive në rrjetet sociale dhe webin zyrtar të firmës, ku pakot ofroheshin me çmime standarde të gjitha, 48 mijë lekë. Vlera në total e produkteve të gjetura dhe sekuestruara shkon në 48 milionë lekë. Përveç skadencës të një pjese të tyre edhe në 2023 apo 2024-ën, kishin mungesë totale të pullës së Agjencisë së Barnave dhe Ministrisë së Financave dhe të etiketave në gjuhën shqipe.
Administratori i shpallur në kërkim dhe 2 punonjësit në hetim janë në akuzë për disa vepra penale, nga kontrabanda me mallra të tjera, te ruajtja dhe depozitimi i mallrave kontrabandë, tregtimi dhe transportimi i mallrave të paligjshme dhe fshehja e të ardhurave.
Njoftimi i policisë:
Pas një hetimi me metoda proaktive, kryer në drejtimin e Prokurorisë së Tiranës, për të dokumentuar paligjshmëritë që kryheshin në magazinën në kryeqytet, të një subjekti me aktivitet ndërkombëtar në fushën e reklamimit dixhital, u finalizua operacioni i koduar “Audienca”.
Nga kontrolli i ushtruar në ambientet e subjektit, specialistët e Seksionit për Hetimin e Krimeve Ekonomiko-Financiare gjetën dhe sekuestruan aty, mbi 10 000 suplemente ushqimore dhe bimore të skaduara, pa pullën e Agjencisë së Barnave dhe pa atë të Ministrisë se Financave, si dhe pa etiketa në gjuhën shqipe.
Në vijim të veprimeve procedurale për rastin, u shpall në kërkim administratori i subjektit, shtetasi nga Bosnja dhe Hercegovina, J. T., 53 vjeç, si dhe u proceduan penalisht punonjësit që ishin në ambientet e subjektit, shtetasit J. G., 30 vjeç dhe M. Ç., 26 vjeç.
Punohet për kapjen e 53-vjeçarit.
Materialet procedurale iu referuan Prokurorisë së Tiranës, për veprime të mëtejshme, për veprat penale “Kontrabanda me mallra të tjera”, “Ruajtja apo depozitimi i mallrave kontrabandë”, “Tregtimi dhe transportimi i mallrave që janë kontrabandë”, “Fshehja e të ardhurave” dhe “Importimi, prodhimi, shitja dhe ruajtja e ushqimeve të rrezikshme për shëndetin ose jetën e njerëzve”.
Mbi 10 000 produkte, të cilat rezultuan pa pullën e Agjencisë së Barnave, pa pullën e Ministrisë së Financave dhe pa etiketa në gjuhën shqipe janë sekuestruar në Tiranë.
Sipas faqes së internetit të firmës 'Limited Charm' këto produkte të skaduara dhe të kontrabanduara përfshijnë çajra, kapsula e kremra bimorë.
Të gjitha suplementet të cilat ishin edhe në ofertë sipas faqes kapnin vlerën 4800 lekë.
Komente
Lajme të tjera
-
Aksident në Tiranë, makina ‘fluturon’ mbi trafikndarësen! Përfshihet edhe nga flakët (VIDEO)
19 Shkurt, 11:38 -
Qendra Spitalore ‘Shefqet Ndroqi’, pjesë e 12 spitaleve me Autonomi Menaxheriale në Shqipëri
19 Shkurt, 08:34 -
Muaji i shenjtë i Ramazanit, ish-myftiu Ylli Gurra: Kujtesë e 'rrugës' drejt Zotit, njeriu nga natyra është mëkatar!
18 Shkurt, 21:18 -
Protesta e Berishës, Ambasada e SHBA u bën sërish thirrje qytetarëve amerikanë të kenë kujdes: Mund të përshkallëzojë në dhunë e bllokime rrugësh
18 Shkurt, 20:31 -
Nga Tirana angazhim evropian për Korridorin VIII. Shqipëri, Itali, RMV, Bullgari dhe Rumani: Projekt strategjik
18 Shkurt, 07:51 -
Vendimi për ‘Ballukun’ ende i pazbardhur, Kushtetuesja: Po bëjmë maksimumin tonë ta përgatisim para afatit 30 ditor
17 Shkurt, 17:02 -
I dyshuar si pjesë e grupit të mashtrimit të Call Center-ave në Tiranë, GJKKO lë në burg italianin! Mohon akuzat në gjykatë
17 Shkurt, 14:14 -
Zbulohet foleja e prostitucionit në Tiranë, pranga dy vajzave nga Kazakistani! Nën hetim edhe një 33-vjeçar (VIDEO)
17 Shkurt, 13:51 -
18-vjeçarja u plagos në hotel, Gjykata e Tiranës liron nga qelia pronarët e hotel Gjutës që fshehën ngjarjen! Në burg i dashuri i saj
17 Shkurt, 12:42
-
Nga Elbasani në Tiranë/ Shfrytëzonin fëmijët e mitur për të lypur, ekzekutohen masat e sigurisë për 8 persona! 4 lihen në burg (EMRAT + VIDEO)
17 Shkurt, 11:56 -
Besmir Dervishi komandohet nëndrejtor i Policisë së Tiranës! Zëvendëson Erion Ismailin
17 Shkurt, 08:55 -
‘Gruaja e tij dyshon për ndonjë helmim’, zbulohen dokumentet për vdekjen e ambasadorit francez dhe atij turk në Tiranë, në vitet '68 e ’77!
17 Shkurt, 07:39
Mendoj se arritet shume shpejt ne konkluzion. Disa muaj hetime??! Per disa muaj Agjencia e Informacionit doli bllof. Per disa muaj KESH doli bllof ne menaxhimin e motit dhe te parashikimit te shitjeve ne bursen e shpejte... Per disa muaj turizmi doli bllof. Per disa muaj politikanet bilionere dolen bllof. Pet disa muaj ...E GJITHE SHQIPERIA DOLI BLLOF NGA PERDJA E CENSURES DHE ERRESIRES INFORMATIVE TE ORGJIVE TE CTHURURA TE TV DHE KULTURE. PS. Arritet shume shpejt ne konkluzion. Mendoj se ky eshte promovimi me i mire edhe exelent qe mund ti behet nje kompanie ballkanase, per te lehtesuar dhimbjet e Terrenit toksik shqiptar...
Përgjigju