Një zjarr ka rënë mbrëmjen e sotme në një dyqan parfumerie në ish-bllok, në ruugën ‘Brigada 8’.

Paraprakisht u dyshua si shkak shpërthimi i një bombole gazi, por kjo u hodh poshtë nga inspektorët e ISHTI të cilët, pas inspektimit, thonë se ngjarja nuk ka te bëjë as me rrjedhje gazi e as me shpërthim të ndonjë bombole, ndërsa nuk bëhen ende të ditura më shumë detaje rreth ngjarjes.

Forcat zjarrfikëse kanë shkuar menjëherë në vendngjarje duke bërë të mundur shuarjen e flakëve.

Nga zjarri fatmirsisht nuk ka viktima, ndërsa nuk ka ende një bilanc të dëmeve materiale.

Njoftimi i plotë i policisë:
Tiranë

Paraprake

Më datë 25.08.2017, rreth orës 20:50, në numrin e emergjencave 112, ka ardhur një njoftim se në rrugën "Brigada VIII", ka rënë zjarr.

Menjëherë janë nisur Shërbimet e Policisë dhe Zjarrfikset, ku kanë konstatuar një dyqan parfumerie i cili kishte marrë flakë.

Menjëherë forcat zjarrfikse kanë bërë të mundur vënjen nën kontroll e më pa fikjen e zjarrit.

Grupi hetimor dhe ekspertët e zjarrit po punojnë për identifikimin e shkakut të rënjes së zjarrit.

Redaksia Online
J.Sh Shqiptarja.com