TIRANË - Në Gjykatën e Krimeve të Rënda pritet të nis një tjetër proces nën akuzën e terrorizmit, këtë herë në ngarkim të Almir Dacit të riut nga Pogradeci që lufton në Siri për përkrah trupave të ISIS.

Prokuroria e Krimeve të Rënda ka mbyllur hetimet në ngarkim të Dacit dhe ka dërguar dosjen nën ngarkim të tij në gjykatë. 

Daci do të gjykohet në mungesë, ndërsa ende nuk dihet nëse ai do të zgjedhë avokat apo do të mbrohet me avokat kryesisht të caktuar nga shteti.

Hetimet ndaj Almir Dacit kanë nisur muaj më parë dhe si provë është administruar dhe video në të cilën ai kërcënonte Shqipërinë se do të sulmohet nga ushtria e ISIS.

Redaksia Online
Shqiptarja.com