Prokuroria e Kavajës ka lexuar në gjykatë pretencën për 9 zyrtarët e pandehur për tjetërsimin e pronave në plazhin e Spillesë,duke kërkuar në total një dënim prej 28 vite burgim. Veç dënimit të pandehurve, njëherësh prokuroria i ka kërkuar gjykatës së Kavajës që të urdhërojë fshirjen e pronësive në hipotekë,dhe kalimin e këtyre sipërfaqeve tokësore sërisht me pronar shtetin. Pritet që në ditët në vijim gjykata e Kavajës të japë vendimin për 9 të pandehurit. Sipas Prokurorisë, akuzohen për një sipërfaqe prej 36 hektarësh që iu vodh shtetit përmes një kapice dokumentesh të falsifikuara nga disa institucione lokale, për të cilët akuzohen 9 zyrtarë.
Çështja ndaj Cikalleshit dhe të arrestuarve të tjerë filloi në nëntor të vitit të kaluar, kur prokuroria pas hetimeve 2 vjeçare kërkoi arrestimin e 11 personave, nga të cilët për 9 kërkohet gjykimi.Hetimet zbuluan një skemë tjetërsimi e cila kishte transferuar prona publike në bregdet përmes shit-blerjeve të dyshimta nga banorë të zonës, te të afërm të drejtuesve të pushtetit lokal përfshi ish-kryebashkiakun e Kavajës Elvis Roshi. Emri i Roshit sidoqoftë nuk del në kërkesën për gjykim të prokurorisë dhe nuk është e qartë nëse u bënë hetime në këtë drejtim. Në të njëjtën kohë një tjetër dosje për abuzim me pronat në bregdetin që administrohet nga Bashkia e Rrogozhinës e të njëjtës prokurori, “u sfumua” së fundmi nga një vendim i Gjykatës së Kavajës.
Gjykatësja Diamela Goxha gjatë vlerësimit paraprak vendosi që të pushonte në tetor akuzat ndaj biznesmenit Idlir Karkini, i akuzuar për pastrim parash dhe kryebashkiakut të Rrogozhinës, Beqir Nuredini i akuzuar për “shpërdorim detyre”. Formula e tjetërsimit të bregdetit dhe pyjeve pranë tij duke falsifikuar dokumente që e bëjnë atë tokë bujqësore dhe më pas duke e ndarë e fiktivisht të fshatarë të zonës bazuar në ligjin 7501 e më pas transferuar te të tretë përmes shitblerjeve po fiktive, është mjaft e njohur në vend. Qindra hektarë tokë mendohet se janë tjetërsuar në këtë formë nga Shkodra në Vlorë.
Deri tani prokuroria ka hapur disa procese, përfshi një të filluar së fundmi në Prokurorinë e Krimeve të Rënda pas arrestimit të ish-deputetit të Partisë Socialiste Arben Ndoka dhe disa të afërmve e bashkëpunëtorëve të tij, që akuzohen se kishin krijuar grup të strukturuar kriminal për përvetësimin e pronave në zonën e “Ranës së Hedhun” në Lezhë. Po në Lezhë prokuroria kërkon gjykimin e kryebashkiakut të Partisë Demokratike Fran Frrokaj dhe disa zyrtarëve të tjerë lokalë. Çështje të ngjashme janë nisur në Shkodër dhe Vlorë ku prokurori pretendon se janë tjetërsuar qindra hektarë në Karaburun, Nartë, Zvërnec e zona të tjera të lakmuara bregdetare.
Pretenca e prokurorisë
Seit Cikalleshi 4 vjet burgim
Ilir Kaja 5 vjet burgim
Asim Arkaxhiu 3 vjet burgim
Andi Gjeçi 3 vjet e 6 muaj burgim
Dritan Kazazi 3 vjet burgim
Nezir Leçini 3 vjet burgim
Agron Xhelezi 3 vjet burgim
Aldo Kila 2 vjet e 6 muaj burgim
Aida Gjoci 1 vit burgim
Lajme të tjera
-
Rrjeta e çarë e Amnistisë, INA: Edhe djali i Tom Doshit përfiton nga amnistia penale
24 Prill, 19:44 -
Përfiton nga amnistia penale, lirohet nga burgu ish-kryebashkiaku i Lezhës Fran Frrokaj: Uroj, askush të mos e provojë qelinë
24 Prill, 13:18 -
Tjetërsim pronash, GJKKO dënon me 1 vit e 4 muaj burg ish-kryebashkiaku i Lezhës Fran Frrokaj! Konfiskohen mbi 66 mijë m2 tokë
1 Mars, 15:29 -
Nuk kthyen në tokë shtet 234 mijë metra katrorë të tjetërsuar tek Rana e Hedhun, pezullohen nga detyra 11 zyrtarë të Kadastrës së Lezhës (EMRAT)
27 Janar, 15:10
-
Akuzohet për tjetërsim pronash, ish-kryebashkiaku i Lezhës Fran Frrokaj merret sërish i pandehur
12 Dhjetor 2023, 19:18 -
SPAK kërkon 4 vjet burg për ish kryetarin e bashkisë së Lezhës, Fran Frrokaj dhe konfiskimin e tokës me vlerë 13 mln euro tek "Rana e Hedhun'
20 Nëntor 2023, 10:36 -
Tjetërsim të pronave në Lezhë, dërgohet për gjykim dosja ndaj ish-kryebashkiakut të Lezhës Fran Frroku si dhe 10 zyrtarë të tjerë
12 Prill 2023, 09:48
-
Tjetërsimi i pronave te Rana e Hedhun, Policia nuk gjen të dënuarit! 9 persona në arrati, priten të shpallen në kërkim ndërkombëtar
30 Tetor 2022, 10:26
-
U dënua me 3 vite burg për tjetërsim pronash, pas disa orësh në kërkim dorëzohet në Policinë e Lezhës ish-kryebashkiaku i Lezhës Fran Frrokaj
28 Tetor 2022, 19:11
-
Tjetërsoi tokën te Rana e Hedhun, Apeli dënon me 3 vite burg Fran Frrokaj! Ish kryetari i Bashkisë Lezhë pritet të arrestohet
28 Tetor 2022, 11:31
-
Tjetërsimi i pronave në bregdetin e Shëngjinit, SPAK kërkon gjykim për Fran Frrokajn dhe 10 të tjerë
25 Tetor 2022, 09:11 -
Ish-kryebashkiaku i Lezhës Fran Frrokaj paraqitet në SPAK: Kam ardhur për punë e mia
18 Korrik 2022, 11:57
