Tmerr në Londër, 22-vjeçari plagos me armë gjahu 4 gra dhe 2 fëmijë para një kishe, arsyeja e paditur

Katër gra dhe dy vajza minorene, shtatë dhe 12 vjeç, u plagosën nga të shtënat jashtë kishës së Shën Aloysius në rrugën Phoenix të shtunën pasdite. Sipas raportimeve të policisë, personi që i ka plagosur është një 22- vjeçar, i cili nuk ka dhënë ende asyen pse ka goditur drejt njerëzve që dolën nga kisha. Plagosjet ndodhen ditën e djeshme, rreth orës 16:oo në Barnet ndërkohë që në kishë po mbahej një përkujtimore për një vajzë 20-vjeçare që kishte ndërruar jetë nga leuçmia dhe nënën e saj.

Vajza shtatëvjeçare e plagosur nga sulmi mbetet në gjendje të qëndrueshme, por kritike, ndërsa një grua 48-vjeçare ka pësuar lëndime dhe është në gjendje të rëndë e shtruar në spital, lëndime që mund të kenë pasoja për jetën.

12-vjeçarja ka pësuar lëndime në këmbë, por ka dalë nga spitali dhe pritet të shërohet plotësisht.

Pas ngjarjes janë dërguar në spital edhe tre gra të moshës 21, 41 dhe 54 vjeç dhe gjendja e tyre është vlerësuar si jashtë rrezikut për jetën.

Policia tha se beson se personi i armatosur qëlloi me armë gjahu nga një makinë rreth orës 13:30 para se të largohej.

Të shtënat i dërguan qytetarë të vrapojnë dhe të bërtasin, me shumë prej tyre të strehuar brenda kishës, thanë dëshmitarët.

Të shtënat ndodhën pasi u mbajt një shërbim përkujtimor për 20-vjeçaren Sara Sanchez dhe nënën e saj, Fresia Calderon, të cilat kishin vdekur brenda një muaji nga njëra-tjetra në nëntor.

20-vjeçarja kishte vdekur pas një beteje me leuçeminë, ndërsa nëna e saj zonja Calderon vdiq papritur nga një mpiksje e rrallë gjaku pasi udhëtoi në aeroportin Heathrow nga Kolumbia, raportoi MyLondon.

At Jeremy Trood, prifti që kreu shërbimin para se të ndodhnin të shtënat, i përshkroi skenat si “pandemoni”.

Ai tha për Sky News se dëgjoi një të shtënë të fortë menjëherë pasi njerëzit u larguan nga kisha për të lëshuar pëllumbat jashtë përpara se njerëzit të fillonin të nxitonin përsëri në ndërtesë.

Jack Rowlands, nga Policia Metropolitane, e përshkroi incidentin si një “akt të pakuptimtë dhune”.

Njerëzit që morën pjesë në shërbimin përkujtimor në kishën në Phoenix Road i thanë Sky News se nuk e dinë pse ndodhi.

Ata që e njihnin nënën dhe vajzën që vdiqën thanë se të lënduarit në incident po merrnin pjesë në shërbim në kujtim të tyre. / Përshtatur nga Sky News

 

F.D/Shqiptarja.com

TAG:
• plagosje
• Mbreteria e Bashkuar
• Londër