TIRANE-Kryetarja e LSI-së Monika Kryemadhi dhe kreu i PDIU-së, Shpëtim Idrizi zhvilluan një takim me kryedemokratin Lulzim Basha.

Takimi ka zgjatur për rreth tre orë  dhe tema e diskutimit ka qenë e njëjtë, reforma zgjedhore. Prej dy ditësh drafti i hartuar me 11 pikë ndodhet në tryezën e Lulzim Bashës në pritje të firmës së tij. Takimet kanë qenë edhe dje intensive.

Lulzim Basha është konsultuar me ekspertët e PD-së për reformën zgjedhore dhe aleatët për vendimin që do të marrë. Gjithashtu Basha drekoi me ambasadorin gjerman Peter Zingraf, i cili e takoi kryedemokratin pas bisedës me ambasadorët e SHBA-BE-së, Britanisë dhe OSBE-së.

Cështja e vetme që ndan palët është depolitizimi i reformës zgjedhore. Shumica është me rekomandimin e OSBE-së për depolitizim të plotë. Ndërsa opozita kërkon që komisionerët të jenë politikë.

Rendit zhvillimet sipas orarit:
Ora 18:06
Pas Kryemadhit dhe Idrizit, Vasili 'zbarkon' në selinë blu

Pas takimit që ka pasur me kryetaren e LSI-së, Monika Kryemadhi dhe kreun e PDIU, Shpëtim Idrizi, në selinë blu ka "zbarkuar" Petrit Vasili. Vasili është përfaqësuesi i opozitës jashtëparlamentare në Këshillin Politik për Reformën Zgjedhore, e cila është temë e këtij takimi të kësaj pasditeje.

B.K./Shqiptarja.com