TIRANË- Kreu i PD-së, Lulzim Basha në një deklaratë për mediat jashtë Prokurorisë, është shprehur se për çëshjten 'Toyota Auris' përveç Taulant Ballës, të përfshirë janë edhe deputetët Ulsi Manja dhe Jurgis Çyrbja.

Sipas Bashës, fakti që Prokuroria e akuzon për nxjerrje të sekretit hetimor do të thotë që deklaratat e tij janë të vërteta. 

Prokuroria ka kërkuar dëshminë time për hetimin që ka hapur në lidhje me nxjerrjen e sekretit shtetëror. Ky veprim dëshmon se deklaratat e mia publike për përfshirjen e Taulant Ballës janë të vërteta. Në këtë aferë Usli Manja dhe Jurgis Çyrbja. Prokuroria ka përgjime zyrtare dhe prova për të kërkuar menjëherë arrestimin e Taulant Ballës. Ka prova dhe fakte për ta kërkuar dekada burg për Saimir Tahirin, Qazim Sejdinin, Vangjush Dakon, Damian Gjiknurin. Ka fakte dhe prova për ta zhdukur Fatmir Xhafajn nga politika.

Lulzim Balla, kreu i PD-së

Kreu i PD-së basha sot te Prokuroria eTiranës

Pas deklaratave të Bashës në Kuvend se Balla ishte i përfshirë në çështjen 'Toyota Auris', kreu i grupit parlamentar të PS-së ka ngritur një padi ndaj kryedemokratit.

Përveç padisë ndaj Ballës, Basha akuzohet edhe për dekonspirimin e operacionit të policisë pasi Lulzim Basha tha në parlament se ishin nisur drejt Shqipërisë një shumë e konsiderueshme eurosh brenda një automjeti "Toyota Yaris" ngjyrë e kuqe. Pikërisht kjo deklaratë ndryshoi planet e operacionit kriminal të Alfred dhe Elvis Vladit. Makinat supozoheshin të niseshin nga porti Ankonës por devijuan rrugën e u nisën nga porti Barit.

Më herët Gjykata e Krimeve të Rënda ka lënë në burg pa afat katër personat e arrestuar pas kapjes në portin e Durrësit, Edi e Klevis Lika, Alban Mollaymeri dhe Agim Çeka. Ndërkohë Alfred dhe Elvis Vladi janë shpallur në kërkim.

Rendit zhvillimet sipas orarit:
Ora 13:55
'Toyota Auris', Jurgis Çyrbja dhe Ulsi Manja i bashkohen Ballës në padi ndaj Bashës

Dy deputët socialistë Jurgis Çyrbja dhe Ulsi Manja kanë reaguar ndaj akuzave më të fundit të Lulzim Bashës, i cili i akuzoi ato se kishin lidhje me 3 milionë eurot e kapura në Toyota Auris. 

Çyrbja thotë se do të padisë për shpifje kreu e opozitës dhe se e sfidon atë të sjellë prova kundër tij në gjykatë. 

E sfidoj Lulzim Bashën të përballet me mua në gjykatë me prova e fakte, jo vetëm për këtë akuzë po për gjithçka këto muaj ka hedhur drejt personit tim!

Jurgis Çyrbja, deputet i PS-së 

Reagimi i plotë i deputetit të PS, Jurgis Çyrbja: 

Zgjohet e pa larë sytë mendon shpifjen e radhës.  E meqë zgjohet vonë, nuk i del koha as të jetë kreativ nga shpifja në shpifje! Unë nuk kam më pse të duroj baltën e Lulzim Bashës. 
Menjëherë padi në prokurori për këtë degradues që shpifjen e ka kthyer në mjet të mbijetesës politike.  E sfidoj Lulzim Bashën të përballet me mua në gjykatë me prova e fakte, jo vetëm për këtë akuzë po për gjithçka këto muaj ka hedhur drejt personit tim!

Akuzave të Bashës i është përgjigjur edhe Ulsi Manja, i cili me anë të një statusi në Facebook, Manja shkruan do t’i bashkëngjitet kolegut të tij Taulant Balla në gjyq kundër akuzave të shpifjes.

Kur të të vijë dita të japësh llogarinë tënde para një prokurori, më ke në dispozicion për asistencë kundër tharjes së gurrmazit. Si prokuror i hershëm që jam, u'a kam lag fytin shumë bilbilave si puna jote kur u ka ardh siraja për t'i ulur në karrigen e hetimit

Ulsi Manja, deputet i PS-së

Postimi i Ulsi Manjës në Facebook:

Ehh,si shkoi kjo punë, shërbëtori i xhepit të vet Lulzim Basha më paska futur edhe mua me nje koleg tjetër në Toyota-n e Taulantit!  Me shumë kënaqësi, së bashku me kolegun do t'i bashkangjitemi Taulantit në rrugen drejt gjyqit me Lulzimin, ku do t'i kërkojmë këtij djali të llastuar dhe qafir, një sasi të hollash për shpifje për shkak të detyrës!
Por një gjë s'rri dot pa i'a thënë Lulzimit: Kur të të vijë dita të japësh llogarinë tënde para një prokurori, më ke në dispozicion për asistencë kundër tharjes së gurrmazit. Si prokuror i hershëm që jam, u'a kam lag fytin shumë bilbilave si puna jote kur u ka ardh siraja për t'i ulur në karrigen e hetimit