Një vit e gjysmë pas kërkesës së SPAK, GJKKO ka urdhëruar konfiskimin e pasurive të anëtarëve të një organizate kriminale të trafikut të ndërkombëtar të drogës në Belgjikë.

Grupi, i cili drejtohej nga 51 vjeçari nga Vlora Eridan Nebiu, i njohur edhe me mbiemrin kolumbian Eridan Guerrero, u godit në vitet 2021-2022, falë një operacioni të autoriteteve belge në bashkëpunim me vende të tjera.

Në Shqipëri, pasuritë e konfiskuara i përkasin Nebiut, bashkëshortes së tij dhe tre personave të tjerë të lidhur me ta, konkretisht Deljana Nebiu, Sokol Çamer, Julian Veliu dhe Lenkos Nebiu.

Bëhet fjalë për 7 apartamente, 5 llogari bankare me vlerë totale 42 mijë euro, 2 njësi shërbimi, 3 sipërfaqe trualli e banesa, 1 automjet, depo e garazh. Pjesa më e madhe e pasurive gjenden në Vlorë dhe kryesisht në zonën e “Ujit të ftohtë”, ndërsa pak prej tyre janë në Tiranë.

Eridan Veliu, rezulton të jetë dënuar në Belgjikë me 14 vite burg, si kreu i organizatës së narkotrafikut, e konsideruar ndër më të mëdhatë, e cila transportonte kokainë nga Amerika Latine në Antëerp, por dhe porte te tjera europiane. 

Veprimtaria e trafikut të drogës u zbulua nga çkodimi i aplikacioneve të mesazheve Sky ECC dhe EncroChat.  Në tetor 2024 gjykata në Belgjikë dha dënimin për 124 të pandehur pjesë e organizatës kriminale ku ishte dhe Eridan Nebiu. Anëtarët ishin nga shtete si nga Belgjika, Kolumbia dhe Afrika e Veriut. Në total, gjykata dha 700 vite burg për  të pandehurit, në një çështje që solli në qendër të vëmendjes rolin e Belgjikës si portë droge për Evropën. Edhe Deliana Nebiu, partnere e kryetrafikantët vlonjat, është dënuar në Belgjikë me 8 vite burg. Vetëm nëntë nga mbi 120 të akuzuar u shpallën të pafajshëm

Pasuritë e konfiskuara:
Apartament, me sipërfaqe 42,38 m2, në adresën Lagjia “Uji i Ftohtë”, Vlorë, në pronësi të shtetases Deljana Nebiu, blerë për shumën 30 mijë euro.
Apartament me sipërfaqe 25,01 m2, në adresën Lagjia “Uji i Ftohtë”, Vlorë në pronësi të shtetases Deljana Nebiu, blerë për shumën 25 mijë euro.
Apartament me sipërfaqe 15,54 m2, në adresën Lagjia “Uji i Ftohtë”, Vlorë në pronësi të shtetases Deljana Nebiu, blerë për shumën 15 mijë euro.
Nësi me sipërfaqe 67.5 m2 dhe sipërfaqe të përbashkët 7,5 m2, gjithsej 75 m2, në adresën rruga Bulevardi Blu, Lagjia nr. 3, Kamëz, porositur nga Deljana Nebiu (dhurim)
Apartament me sipërfaqe 127 m2, me adresë Pallat tek Diga e Liqenit, Tiranë në pronësi të Flora Nebiu, blerë nga Deljana Nebiu për shumën 135 mijë euro.
Apartament me sipërfaqe 42,38 m2, në adresën Lagjia “Uji i Ftohtë”, Vlorë në pronësi të shtetasit Eridan Rexhep Nebiu (dhurim. Vlera në kartelë 2.6 milionë lekë)
Njësi Shërbimi me sipërfaqe 56,56 m2, në adresën Lagjia “Uji i Ftohtë”, Vlorë  në pronësi të shtetasit Eridan Rexhep Nebiu. (Dhurim. Vlera e blerjes nga dhuruesi në vitin 2013, 56,560 euro)
Truall+ Banesë 1 Kat, me sipërfaqe; truall 444 m2 truall dhe 40 m2 ndërtim, me adresë Lagjia 24 Maji, Vlorë, në pronësi të shtetasve Eridan Rexhep Çamer/Nebiu dhe Deljana Vladimir Nebiu. (Vlera e ekspertimit 3.7 milionë lekë+560 mijë lekë)
Truall+ Banesë 1 Kat, me sipërfaqe; truall 499,8 m2 truall dhe 40 m2 ndërtim, me adresë: Lagjia 24 Maji, Vlorë në pronësi të shtetasve Sokol Rexhep Çamer dhe Sara Sheri Çamer. (Vlera e ekspertimit 4.1 milionë lekë+560 mijë lekë)
Truall+ Banesë 1 Kat, me sipërfaqe, nga e cila truall 499,6 m2 truall dhe 40 m2 ndërtim, me adresë: Lagjia 24 Vlorë, në pronësi të shtetasve Juljan Rexhep Veliu dhe Ledja Koço Veliu. (Vlera e ekspertimit 2.4 milionë lekë+560 mijë lekë)
Apartament me sipërfaqe 78,22 m2, në adresën Lagjia “Uji i Ftohtë”, Vlorë, në pronësi të shtetasit Sokol Rexhep Çamer. (Dhurim, vlera 4.8 milionë lekë)
Apartament me sipërfaqe 39,84 m2, në adresën Lagjia “Uji i Ftohtë”, Vlorë, në pronësi të shtetasit Sokol Rexhep Çamer. (Dhurim, vlera 2.46 milionë lekë)
Garazh me sipërfaqe 23,39 m2, në adresën Lagjia “Uji i Ftohtë”, Vlorë në pronësi të shtetasit Sokol Rexhep Çamer. (Dhurim, vlera 920 mijë lekë)
Depo me sipërfaqe 24,07 m2, në adresën Lagjia “Uji i Ftohtë”, Vlorë në pronësi të shtetasit Sokol Rexhep Çamer. (Dhurim, vlera 947 mijë lekë)
Automjeti e markes AUDI Tip 4H, Model A8, vit prodhimi 2014, me pronar aktual shtetasen Antonela Vladimir Nebiu. (Dhurim)
Rimorkio e llojit RTV (Rimorkio për transport të veçantë), e markës ELLEBI, me në pronësi të shtetasit Sokol Ç(C)amer.
5 llogari bankare në vlerën 3.128.443,19 lekë dhe 18,659.00 Euro.

-------------------------------

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.