Tragjike në Greqi, 29-vjeçari shqiptar gjendet i varur në pemë! Policia heton për vrasje, duart i kishte të lidhura me tel (EMRI)

Tragjike në Greqi, 29-vjeçari shqiptar gjendet i varur në pemë! Policia heton për vrasje, duart i kishte të lidhura me tel (EMRI)

Viktima Angjelo Avdiu

GREQI- Një ngjarje e rëndë ka ndodhur në Greqi, ku një 29-vjeçar shqiptar është gjetur i varur në pemë. I riu Angjelo Avdiu rezultonte i zhdukur që prej 29 tetorit dhe asgjë nuk duhej mbi fatin e tij, derisa ai u gjet i varur në Kyllini.

29-vjeçari u gjet i varur në një lartësi prej 4 metrash në një pemë, ndërsa i kishte edhe duart e lidhura me një tel hekuri. Kjo ka bërë që autoritetet greke të hetojnë edhe pistën e vrasjes.

Autoritetet po shqyrtojnë me kujdes të gjitha provat që ekzistojnë deri më tani dhe kanë mbledhur gjurmët e gishtave si nga teli me të cilin ishin lidhur duart e të riut, ashtu edhe nga shkalla që u gjet shumë pranë vendit ku ka ndodhur ngjarja.  

Trupi i Angjelo Avdiut u gjet i varur në një pemë të një banese në Kyllini. Ka qenë pronari i kësaj banese, i cili prej kohësh ishte zhvendosur në një vend tjetër, që ka konstatuar trupin e të riut të shtunën (25 nëntor). Ai ishte kthyer në banesë kur kishte konstatuar erën e rëndë dhe më pas kishte gjetur trupin e varur të shqiptarit.

Trupi i 29-vjeçarit është identifikuar nga nëna e tij, e cila ka njohur rrobat e djalit të saj. Familja e Angjelos është tepër e shokuar pasi nuk kanë asnjë të dhënë se çfarë mund të ketë ndodhur me djalin e tyre. Vëllai i Anxhelos, i dërrmuar ka thënë për mediat greke se brenda ditëve në vijim pritet të merret një kampion biologjik nga nëna e 29-vjeçares për të bërë ADN-në.

Rendit zhvillimet sipas orarit:
Ora 12:22
Greqi/ 'Shkoi të takonte ish-gruan'! 29-vjeçari shqiptar gjendet i varur në pemë, çfarë dëshmonte i vëllai para një muaji

1701084132_el.jpg

Angjelo Avdiu

Një 29-vjeçar me origjinë shqiptare, Angjelo Avdiu, mëngjesin e sotëm (27 Nëntor) është gjetur i varur në një pemë dhe me duar të lidhura në një fshat grek.

Familjarët e tij, një muaj më parë, kishin denoncuar humbjen e Angjelos, pasi kishte humbur kontaktet me ta prej 3 ditësh.

Ai ishte baba i një fëmije, i cili jetonte në fshatin grek, Agios Konstantinos Fthiotidas. Sipas mediave greke ai ishte larguar mëngjesin e 29 tetorit, ndërsa gjatë natës kishte qëndruar me një të afërm.

Në një deklaratë për mediat greke ka folur edhe vëllai i të ndjerit, i cili tha se 29-vjeçari kishte ardhur në fshat për të biseduar me ish-bashkëshorten dhe nënën e fëmijës së tij në përpjekje për të rregulluar marrëdhëniet mes tyre.

“Erdhëm të bisedonim me ish-bashkëshorten e tij që ishte divorcuar. Të dielën në mëngjes ishim duke pirë kafe dhe befas ai u largua pa i thënë asgjë askujt. Të gjitha gjërat i la në shtëpi dhe celularin. Bëjmë apel që të gjendet vëllai im sepse nuk ka qenë shumë mirë së fundmi. Ai ka edhe një djalë të vogël, 9 vjeç”, tha vëllai i të ndjerit.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Fëmijët vrasin babain në Durrës, a është në krizë familja shqiptare?



×

Lajmi i fundit

Gjermania legalizon kanabisin për të gjithë personat mbi 18-vjeç

Gjermania legalizon kanabisin për të gjithë personat mbi 18-vjeç