Trajneri i Inter-it ndodhet në telashe, Antonio Conte ka rënë pre e një mashtrimi prej 30 milion eurosh

Trajneri i Inter-it, Antonio Conte pas humbjes në finalen e Europa leagues kundër Sevillas, së fundi dyshohet se ka rënë pre e një mashtrimi që i kushton rreth 30 milionë euro.

Sipas La Verita, financieri 54-vjeçar Massimo Bochicchio ishte duke punuar bashkë me Conte-n, kur ky i fundit ishte në stolin e Chelsea-s.

Tekniku italian i dha Bochicchio 30.6 milionë euro që të investoheshin, mirëpo kjo vlerë duhej të rikthehej në 30 qershor të vitit 2020.

Sidoqoftë, kur nuk u bë, Conte dhe shtatë të tjerë që kishin investuar iu drejtuan autoriteteve për të hapur një hetim.

Për të hedhur dritë mbi këtë, janë dy vendime të gjykatës tregtare angleze, një e muajit korrik dhe tjetra e muajit gusht, që sqarojnë sesi Conte dhe 7 të tjerë, përfshi edhe shoqërinë Superb Sport Limited, ranë pre e një mashtrimi ku u zbuluan se dokumenti ishin të falsifikuara dhe adresa e postës elektronike gjithashtu e rreme.

Gjykata angleze ka dhënë urdhër sekuestrimi për pasuritë së Massimo Bochicchio. Në sekuestrim përveç llogarive bankare, përfshihet edhe vila në të cilën Conte ka jetuar në Londër kur drejtonte Chelsean.

TAG:
• mashtrim
• Inter
• antonio conte