Transformohet kompleksi te pishinat, nis kampionati i notit, Veliaj: Jo vetëm për notarët, por për gjithë komunitetin

Një tjetër mjedis sportiv i rikthehet qytetarëve të Tiranës. Parku i pishinave te Diga e Liqenit është transformuar plotësisht në pak ditë dhe sot priti garën e parë të kampionatit të notit.

Pas më shumë se 20 vitesh administrim nga privati, kompleksi i pishinave tani ndodhet nën administrimin e Bashkisë së Tiranës, duke u shndërruar në një pikë frekuentimi edhe për qytetarët dhe fëmijët. Kryebashkiaku i Tiranës, Erion Veliaj u shpreh i lumtur për zhvillimin e garës së parë të notit dhe shtoi se këto hapësira janë në dispozicion edhe për notarët e rinj, edhe për komunitetin.

“Këtu kemi një hapësirë për më të mirët e notit. Por, kemi edhe një hapësirë çlodhëse për familjarët, si dhe një kamp për fëmijët, që vijnë nga familje me probleme ekonomike, të cilët nuk shkojnë dot në plazh, ama kanë mundësi të frekuentojnë pishinat e Tiranës, për të kaluar disa kujtime të bukura vere. Aty ku ka vullnet, ka edhe një rrugëzgjidhje, në mënyrë që të kënaqen të gjithë. Sot jam shumë krenar që fillojmë një kapitull të ri për notin”, u shpreh Veliaj.

Ai tha se i vjen mirë që ekipi i notit do të ketë një hapësirë dedikuar posaçërisht për ta dhe se kundërshtarët politikë mund të vonojnë ecurinë e punëve në qytet, por nuk mund ta pengojnë zhvillimin.

“Me skuadrën e notit kemi pasur një ëndërr afatgjatë pas mbarimit të kontratës 20 vjeçare të administruesve të kësaj hapësire. Më vjen keq ta them, por si çdo përpjekje në Shqipëri, me shumë sakrificë, çdo gjë kthehet në një malore me gjykata e keqkuptime. Ky vend do të ishte më i mirë sikur të kishim pak mirëkuptim. Kur ndërtohet një shkollë si gjimnazi ‘Sami Frashëri’, politika nuk duhet të përzihet. Kur lirohet një hapësirë, siç ishin ‘7 Xhuxhat’, për ta bërë parking poshtë dhe kënd lodrash lart, politika nuk duhet të përzihet. Kur lirohen pishinat, qofshin këto olimpike, qofshin pishina për amatorët dhe fëmijët, as këtu politika s’duhet të përzihet”, nënvizoi Veliaj.

Në fund kreu i Bashkisë tha se ky do të jetë një kapitull i ri për notin në Shqipëri.

“Mezi pres që ta hapim këtë kapitull të ri për notin, ku ne ofrojmë kushtet, mundësitë, financat, shërbimet dhe pastaj ua lëmë çunave dhe gocave të na nderojnë me medalje. Më vjen shumë mirë që shumica e medaljeve, të paktën në këtë bateri, u mor nga çunat që vijnë nga qytetet e tjera, si Durrësi dhe Saranda”, përfundoi Veliaj.

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Çmimet e hidrokarbureve, a po i mbron Bordi i Transparencës interesat e qytetarëve?



×

Lajmi i fundit

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik