POP 5

Lajmet më të lexuara të 5 minutave të fundit

Sociale

‘Transporti’ penalizon studentët, mbeten pa abone në mars! Në shitje vetëm abonetë e përgjithshme dhe ato të linjave

Në treg mungojnë abonentë e studentëve, dhe shumë të rinj janë detyruar të blejnë abone të përgjithshme për lëvizjen me urban në Tiranë. Shoqata e transportit ka paralajmëruar se mund të bllokojë autobusët nëse nuk u subvencionet nafta dhe tu ulen taksat.

TIRANË- Edhe pse u njoftua fillimisht se në Mars nuk do të ketë abone, në pikat e tregtimit të tyre, përdoruesit e transportit urban kanë marrë abone të përgjithshme, por në mungesë janë abonetë e studentëve.

Shitësja: Ka vetëm abone të përgjithshme?

Studentja: Nuk vijnë abonetë e studentit, e sigurt?

Në kërkim të marrjes së një përgjigje, pse nuk ka abone studenti askund, Saidetja studente në Tiranë, nuk e fshehu mërzinë dhe nervozizmin që nuk mund të pajisej me dokumentin e përmuajshëm që i mundëson lëvizjen dhe që e blen që nga nisja e studimeve.  

“Nuk kishte abone. Duhet t’i shtojnë më shumë abonet e studentit në çdo kioskë. Pyeta në 2- 3 kioska nuk kishte, kanë mbaruar më thanë të gjitha”, tha ajo.

Shumë studente te tjerë u larguan duarbosh, ndërsa Saidetja qëndroi dhe pak në pritje se mos diçka ndryshonte për mirë në momentin e fundit.

Por duke llogaritur se mund të mbetej pa abone fare, Saidetja shtoi dhe 1000 lekë të tjera dhe bleu abonenë e përgjithshme, një kosto jo e vogël për xhepin e saj si studente që shpenzimet janë të shumta.

“Bleva abone të përgjithshme. Kushtoi 16 mijë lekë të vjetra ndërsa e studentit kushton 6 mijë”, vijoi ajo.

Edhe prindërit që kishin ardhur për të tërhequr abonetë e fëmijëve te tyre i konsideruan të papërballueshme kostot shtese si pasojë e mungesës së aboneve.

“S’paska abone! Shumë e vështirë është për ne që s’kemi kushte”-shprehet një qytetar.

“Problem shumë”- thotë një tjetër.

Shoqata e transportit më herët ka sqaruar se të gjitha vendimet e marra lidhen me vështirësitë ekonomike me të cilat përballet ky sektor. Ata kanë kërkuar rimbursim Të TVSH në shitje, heqjen e akcizës 37 lekë/litër, heqjen e taksës së qarkullimit në karburant 27 lekë/ liter, në të kundërt në 1 mars mund të ndërpritet transporti qytetas.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46