TIRANE - Ministri i Mirëqenies Sociale Erion Veliaj edhe njëherë ka paralajmëruar kompanitë e tranportit urban se do u hiqet lecenca nëse nuk zbatojnë ligjin në fuqi. “ Do caktojmë një afat për kompanitë që shkelin ligjin”, ka thënë Veliaj.

Ndërsa problemi i mosnjohjes së librezave të invalidëve në transportin urban ka tre ditë që ka filluar, Veliaj ka thënë se ky problem është vetëm në dy bashki e jo në të gjithë Shqipërinë.

Ministri ka theksuar se librezat e invalidëve nuk njihen vetëm në dy bashki të drejtuara nga PD, atë të Shkodrës dhe atë të Tiranës.
 
Dy ditë më parë Shoqata e transportit qytetës, në disa linja të transportit urban vendosi njoftime, ku theksohej se prej datës 1 korrik nuk do të njihen si të vlefshme kartat dhe dëshmitë e invaliditetit. 

Redaksia Online
(g.f/shqiptarja.com)