POP 5

Lajmet më të lexuara të 5 minutave të fundit

Kronikë

Tregtarja e falimentuar
laborator droge tek biznesi

Një hetim disa mujor i Prokurorisë së Krimeve të Rënda, ka zbuluar një laborator të mirfilltë të kultivimit të fidanëve të kanabisit dhe më pas përpunimit të drogës.
Një hetim disa mujor i Prokurorisë së Krimeve të Rënda, ka zbuluar një laborator të mirfilltë të kultivimit të fidanëve të kanabisit dhe më pas përpunimit të drogës.

E gjithë ky laborator u menaxhonte nga 42-vjeçarja nga Skrapari, Edlira Lame, e cila me ndihmën e shoferit, kishte arritur të krijonte një laborator modern për përpunimin e drogës. Dhe për ta bërë këtë duket se nuk e ka pasur të vështirë, pasi ajo administronte një firmë private masonerie, ku prodhoheshin çanta kartoni për verë dhe raki, ambientet e së cilës duket se i ka përdorur edhe për të përpunuar drogën. Më herët në ambientet e fabrikës, prodhoheshin edhe bimë medicinale, ndërsa kohët e fundit shërbente si laborator i përpunimit të kanabisit.

Laboratori ishte ndërtuar në ambjentet e brendshme të një biznesi fasonerie në zonën e Skraparit, pikërisht në fshatin Vlush, afër një hidrocentrali të vogël.

Operacioni është kryer gjatë natës, ndërkohë ai drejtohej nga prokurori i Krimeve të Rënda Vladimir Mara.

Dhjetëra forca policie kanë hyrë në ambjentet e brendshme të biznesit të fasonërisë, ku gjatë kontrollit deri në orët e para të mëngjesit kanë arritur të zbulojnë një sasi të konsiderueshme droge. Në momentin e ndërhyrjes, dy persona po cmomentonin paisjet elektrike, që dyshohet për tharjen e drogës. Burimet thanë se janë zbuluar 2 mijë fidanë kanabis, ndërkohë është gjetur drogë e tharë,gati për paketim dhe mjetet e nevojshme për tharjen e drogës.

Operacioni është kryer në bashkëpunim me Strukturat e Drejtorisë Vendore të Policisë Berat,në një zonë të thellë ndërmjet Skraparit dhe Beratit, pranë HEC-it të Vlushës, ndersa në pranga janë vënë Muhamet Kadiu 49 vjeç, banues në Skrapar, dhe Edlira Lame 42 vjeçe, banuese në Skrapar, administratore e një fasonerie, magazinë e cila më parë ka qënë fabrikë e prodhimit të bimëve medicinal.

Biznesmenia e falimentuar
Edlira Lame, tregtarja 42-vjeçare e arrestuar në këtë operacion rezulton se ka vënë në shërbim të trafikantëve, ambjentet e magazinave të saj, për të kryer kultivimin e drogës dhe më pas tharjen.

Lame rezulton se ka hapur kompaninë “2 E Corovoda” dhe një dyqan në Fier, për tregtimin me pakicë të konfeksioneve. Kompania “2 E Corovoda” kishte në objekt të sajin përgatitja e çantave të kartonit dhe ambalazheve të ndryshme, prodhim, ambalazhim të ujit të pijshëm. Të dyja këto biznese kanë qënë të pezulluara dhe se nuk kryenin asnjë aktivitet tregtar. Ndërkohë kohët e fundit në këto magazina ku ushtronte aktivitet tregtarja Edlira Lame, kryhej dhe përpunimi i rakisë.

Gjatë marjes në pyetje Lame mësohet të ketë pohuar se nuk kishte dijeni për kultivimin e drogës, pasi shumë rrallë i frekuentonte ambjentet e saj të biznesit. Mirëpo pavarësisht kësaj, prokuroria pretendon se Lame ka pasur dijeni për drogën dhe laboratorin dhe nisur nga kjo situatë ka urdhëruar arrestimin e saj, së bashku me disa persona të tjerë. Ndërkohë që tre shtetas janë ndjekur në gjëndje të lirë.

Operacioni në vijim të kapjes 1.2 tonëve
Prej 24 orësh policia ka bllokuar magaziën duke mos lejuar asnjë person të hyjë në të. Ndërkohë në terren po kryhen hetime mes oficerëve të krimeve të rënda dhe Policisë së Shtetit. Burimet thanë se ky operacion është në vijimësi të zbulimit të një magazine, me plot 1.2 ton canabis sativa të paketuar në thasë e gatshme për tregtim. Kjo sasi droge dyshohet se i përket këtij grupi kriminal, ndërkohë policia dhe prokuroria ende nuk japin të dhëna se kush nga personat është drejtuesi i këtij grupi kriminal.
 
Në gjëndje të lirë
 S.K 47 vjeçe, banuese në Skrapar,
 Z.Xh, 45 vjeçe banuese në Skrapar,
 A.Ç 51 vjeçe, banuese në Skrapar.

Të sekuestruara
Pajisje elektrike të cilat dyshohet se përdoreshin për prodhim të bimëve narkotike.
Mbetje bimë narkotike Cannabis Sattiva,
176000 lekë të rinj
250 paund
19900 dollar
210 fishek kalibër 7.62 mm.


dy.b/shqiptarja.com

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52