SHKODER - Një person ka mbetur i plagosur si pasojë e një aksidenti në aksin Shkodër-Guri i Zi, në fshatin Vukatanë. Treni i linjës Tiranë-Shkodër ka përplasur një makinë, pasditen e sotme.

Sipas informacioneve paraprake në lidhje me ngjarjen, makina po kalonte mbikalimin e hekurudhës dhe nuk e ka vënë re trenin.

Për pasojë drejtuesi i automjetit Elvis Selimi, 25 vjeç, ka mbetur i plagosur.

Sipas policisë së Shkodrës makina me targë AA 539 BM tip Volsvagen i ka prerë rrugën trenit teksa po kalonte në mbikalimin e hekurudhës.

Sipas të dhënave paraprake, mësohet se automjeti është tërhequr nga treni me targë 10 61 që drejtohej nga Pëllumb Bllacaj për rreth 100 metra nga vendi i ngjarjes.

Policia në vendngjarje ka nisur hetimet për të ndërtuar dinamikën e plotë të ngjarjes.

Redaksia Online
(Gre.M/Shqiptarja.com)