Biznesmeni Eridion Muho që u arrestua për atentatin e dështuar në Sarandë, ku aksidentalisht vdiq miku i tij Armandi Nelaj ka shfaqur shqetësime shëndetësore, ndaj nuk është siguruar dëshmia e plotë.
Nw momentin e arrestimit ai ka mohuar autorësinë, ndërsa hetuesit dyshojnë se Muho për shkak të konkurrencës në biznes ka tentuar të hedhë në erë tragetin “Fenikas Lines” të linjës Sarandë-Korfuz.
Një ditë pas arrestimit, Eridion Muho, ka shfaqur shqetësime shëndetësore dhe ka përfunduar në spitalin e Sarandës. 35-vjeçari u prangos për atentatin e dështuar në tragetin e linjës Sarandë-Korfuz, ku mbeti i vdekur miku i tij, Armandi Nelaj.
Për shkak të gjendjes shëndetësore nuk është siguruar dëshmia e plote, por paraprakisht Muho ka mohuar bashkëpunimin në krim. Policia ka analizuar kamerat e sigurisë dhe janë kryesisht pamjet, prova kryesore që e lidhin Muhon me aktin e dështuar të vendosjes së eksplozivit.
Burime nga grupi hetimor thanë për Report Tv se Armandi Nelaj më datë 24 qershor në mbrëmje ishte nisur nga porti i Sarandës me një mjet të vogël lundrues drejt tragetit të pasagjerëve “Fenikas Lines”. 52-vjeçari ka tentuar të hedhë në erë tragetin për arsye konkurrence, por në momentin që është afruar për të montuar lëndën plasëse, në telefonin e lidhur me tritolin u futën valët greke, duke bërë që mesazhi “Ëelcome to Greece”, të aktivizonte shpërthimin. Kjo rezultoi fatale për të!
Ndërsa miku i tij Eridion Muho u arrestua një muaj pas ngjarjes pasi dyshohet se ka organizuar gjithë skenarin për arsye konkurrence. 35-vjecari merret kryesisht me biznese në fushën e turizmit dhe në QKR rezulton pronar i anijes “Saranda Express” që operon linjën Sarandë-Korfuz dhe agjencisë “Erdano Tours”. Në zgjedhjet parlamentare 2021 ka qenë kandidat për deputet në siglën e partisë Lëvizja për Ndryshim të Jozefina Topallit. Ndërsa viktima Armandi Nelaj ishte biznesmen prej 13 vitesh, pronar i një kompanie të mjeteve të rënda të ndërtimit.
Deri në këtë fazë të hetimeve, rezulton se Erdion Muho prej shumë kohësh ka pasur konflikte me Andrea Qirjakon, pronar i “Fenikas Lines”, i linjes se trageteve Sarandë-Korfuz. Këto konflikte nuk u shuan asnjëherë mes tyre, duke çuar deri në tentativën për vendosjen e tritolit.
Gjykata e Sarandës ka caktuar “Arrest në burg” për biznesmenin Erdion Muho, të dyshuar për veprën penale “shkatërrim prone me eksploziv” në bashkëpunim mbetur në tentativë. Seanca në ngarkim të tij u zhvillua në Spitalin e Sarandës, ku Muho mbahet i izoluar prej ndalimit të tij mbrëmjen e 28 korrikut, për shkak të problemeve shëndetësore.
Gjyqtari Alban Veçani ka cilësuar të ligjshëm ndalimin e tij dhe ka caktuar masën e sigurisë “Arrest në burg”. Ai ka pranuar kërkesën e Prokurores Besiana Sadikaj, e cila ka ngritur akuzë pas 1 muaj hetime në ngarkim të Muhos.
Gjatë gjithë seancës së caktimit të masës së sigurisë, Muho ka mbajtur qëndrim mohues ndaj akuzës duke u shprehur se "nuk kam lidhje fare me ngjarjen. Madje atë natë kam qenë në Korfuz. Nuk jam fajtor për çfarë ka ndodhur. Me Armandi Nelajn, si sarandiot i vjetër unë dhe ai, njihemi, por deri kaq, jo më shumë aq më tepër të kem bashkëpunuar me të. Asnjëherë nuk kam diskutuar me të për një veprim të tillë. Pra nuk kam asnjë lidhje me ngjarjen dhe motivet që dyshon Prokuroria”.
Avokati mbrojtës, Agron Lamaj, ndërsa është shprehur se klienti i tij është i pafajshëm, njëherazi i kërkoi trupit gjykues, që për klientin e tij të merret një masë më të lehtë, si ai i “arrestit në shtëpi”, për faktin se ai nuk mund të largohet nga Saranda dhe se është i gatshëm të jetë pranë organit të akuzës sa herë ta kërkojnë.
Komente
Lajme të tjera
-
Ngordhje masive peshqish në liqenin e fshatit Bestrovë të Vlorës! Shikoni videon
30 Korrik, 13:00
-
'Ndërhyri në dosjen e 'Toyota Yaris dhe në hetimin pasuror të Suel Çelës!' Ja pse u arrestua kryeprokurori i Vlorës! Aurel Zarka me 4 llogari Sky Ecc
30 Korrik, 11:30
-
Vangjel Tavo flet për CNN grek, tregon pse Gjikuria e paditi në SPAK: Nëse nuk kthehet në SHBA, e ftoj të bëhet nënkryetar i Bashkisë së Himarës
30 Korrik, 10:41 -
Bisedat në Sky ECC/ Pushimi i hetimit për 3.4 milionë eurot e gjetura në Toyota Yaris çoi në pranga kryeprokurorin e Vlorës, gati dosje e re për 'Metamorfozën'
30 Korrik, 07:30 -
Vlorë/ Dogjën me zjarr sipërfaqe me bimësi në fshatrat Delisuf dhe Gjorm, nis hetimi për dy persona
29 Korrik, 16:05 -
Avokati i arrestuar me kryeprokurorin e Vlorës Zarka mbrojti kushërinjtë Vladi në dosjen e ‘Toyota Yaris'
29 Korrik, 15:42 -
Vranë Kleo Gërdhuqin në stanin e tij në Vlorë në vitin 2007, Apeli dënon me nga 18 vite burg Viktor Omerin dhe shokun e tij
29 Korrik, 15:01 -
Zbardhet vdekja e biznesmenit Nelaj! Do shpërthente tragetin konkurrent ‘Finikas Lines’ të linjës Sarandë - Korfuz, tritoli i mori jetën! Në pranga miku, pronar i 'Erdano Tours' (VIDEO)
29 Korrik, 11:43 -
Zgjedhjet e pjesshme të 4 gushtit/ Në Himarë u zhvendosën 311 zgjedhës, 137 u ndryshoi qendra e votimit! Pelinku: Vlerë anormale, kërkuam informacion tek Gjëndja Civile!
29 Korrik, 11:29 -
Zjarret në vend/ 8 vatra aktive, vijojnë flakët në Malin e Shëngjinit e Vau i Dejës! Drejt përmirësimit situata tek vendgrumbullimi i mbetjeve Vlorë
29 Korrik, 11:08 -
Himarë, theu arrestin shtëpiak dhe lëvizte me pistoletë në makinë në Livadh, në pranga 24-vjeçari (EMRI)
29 Korrik, 09:26 -
Zbërthimi i Sky ECC, arrestohet me urdhër të SPAK kryeprokurori i Vlorës, Aurel Zarka! 3 masa sigurie arrest me burg (EMRAT)
29 Korrik, 09:00
Çami i pabese tani ben si i semure. Fare e keqe
Përgjigju