Dhoma e Përfaqësuesve në Shtetet e Bashkuara bllokoi të enjten një përpjekje për të përshpejtuar publikimin e një hetimi etik ndaj ish-ligjvënësit Matt Gaetz, i cili u tërhoq nga gara për t'u bërë prokuror i përgjithshëm i Shteteve të Bashkuara në administratën e ardhshme të Presidentit të zgjedhur Donald Trump.
Hetimi u përqëndrua në akuzat kundër zotit Gaetz për marrëdhënie seksuale me një vajzë adoleshente dhe përdorimin e drogës. Dhoma e Përfaqësuesve me shumicë republikane me 206 vota kundër dhe 98 pro hodhi poshtë nismën e paraqitur nga një ligjvënës demokrat.
Gaetz, 42 vjeç, dha dorëheqjen nga Kongresi në nëntor disa orë pasi zoti Trump e emëroi atë si kandidat për postin e prokurorit të përgjithshëm. Ai i ka mohuar të gjitha akuzat për shkelje.
Komisioni i Etikës i Dhomës së Përfaqësuesve u takua më herët të mërkurën dhe nuk mori asnjë vendim për gjetjet e hetimit të tij ndaj zotit Gaetz. Dorëheqja e tij nga Kongresi ngriti pikëpyetje mbi nevojën e publikimit të gjetjeve nga Komisioni i Etikës, duke qenë se ai teknikisht nuk ka më juridiksion mbi të.
Ligjvënësi demokrat Sean Casten, i cili propozoi nismën që kërkon votim nga Dhoma e Përfaqësuesve për publikimin e gjetjeve të Komisionit të Etikës, përmendi të paktën katër shembuj që nga viti 1987 të Komisionit të Etikës, që vazhdoi punën e tij dhe publikoi gjetjet hetimore pasi një ligjvënësi ksihte dhënë dorëheqjen nga Kongresi.
Komisioni, i përbërë nga pesë republikanë dhe pesë demokratë, u bllokua në linja partiake muajin e kaluar në votimin për publikimin e rezultateve të hetimit.
Në atë kohë, republikani kryesor i saj, Përfaqësuesi Michael Guest, u tha gazetarëve se kishte "rezerva" për publikimin e raportit sepse ai nuk ishte ende i plotë. Udhëheqësja e demokratëve në këtë komision, ligjvënësja Susan Wild, tha se nuk kishte unanimitet brenda Komisionit të Etikës mbi hapat e ardhshëm për hetimin./ VOA
Lajme të tjera
-
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Pesë pyetje për 2025-ën
26 Dhjetor, 08:23 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44
