Foto: Donald Trump dhe Xi Jinping

Presidenti amerikan ka deklaruar se Kina është e kënaqur që do të hapë përgjithmonë Ngushticën e Hormuzit.

Përmes një postimi në rrjete sociale presidenti amerikan shprehet se këtë hap po e ndërmerr për të gjithë botën.

Ndër të tjera Trump thotë se Kina ka rënë dakord që të mos i dërgojnë armë Iranit.

“Kina është shumë e lumtur që unë po e hap përgjithmonë Ngushticën e Hormuzit. Po e bëj këtë edhe për ta - dhe për botën. Kjo situatë nuk do të ndodhë më kurrë. Ata kanë rënë dakord të mos i dërgojnë armë Iranit. Presidenti Xi do të më japë një përqafim të madh kur të mbërrij atje pas disa javësh. Po punojmë së bashku me zgjuarsi dhe shumë mirë! A nuk është kjo më e mirë se luftimet??? POR MOS HARRONI, ne jemi shumë të mirë në luftime, nëse është e nevojshme - shumë më mirë se kushdo tjetër”, shkruan Trump.


Lajmi kryesor:

Lufta/ Trump: Konflikti mbaron brenda prillit! Kina s'do t’i dërgojë më armë Iranit, Hormuzi do të hapet! Sulmon Melonin: Kush s’na ndihmon, s’është më njësoj për ne