Republikani Donald Trump deklaroi se ka fituar garën presidenciale në SHBA kundër demokrates Kamala Harris, që do ta kthente sërish në Shtëpinë e Bardhë pas katër vjetëve.
Shumë lider botërorë kanë përcjellë urimet e tyre.
"Urime për rikthimin më të madh të historisë! Rikthimi juaj historik në Shtëpinë e Bardhë ofron një fillim të ri për Amerikën dhe një riangazhim të fuqishëm ndaj aleancës së madhe midis Izraelit dhe Amerikës", thotë kryeministri izraelit Benjamin Netanyahu.
Ai shton: "Kjo është një fitore e madhe!"
Dhe kryeministri hungarez Viktor Orban thotë të njëjtën gjë: "Rikthimi më i madh në historinë politike të SHBA-së! Urime Presidentit Donald Trump për fitoren e tij të madhe. Një fitore shumë e nevojshme për botën!"
Edhe kryeministri Edi Rama ‘ Ishte një nder i vërtetë të punoja së bashku me Presidentin e 46-të të Shteteve të Bashkuara për të forcuar lidhjen midis dy vendeve tona. Mezi pres privilegjin e madh të punoj me Presidentin e 47-të për të përmirësuar më tej partneritetin tonë për paqe, prosperitet dhe përparim të mëtejshëm’ shkruan Rama.
Edhe Vuçiç e Osmani përcollën urimet e tyre.
Si kujtesë: Trump ka shpallur fitoren - por ai nuk ka arritur ende numrin e kërkuar të votave të kolegjit elektoral. Deri tani Trump ka marrë 266 vota elektorale nga 270 që duhen ndërsa Kamala Harris ka 219 vota elektorale.
Presidenti i Turqisë, Rexhep Tajip Erdogan ka uruar në X, presidentin e ri të SHBA-së Donald Trump për fitoren në zgjedhjet e Shtëpisë së Bardhë. Erdogan shpreson se marrëdhëniet me SHBA tani do të fuqizohen pas zgjedhjes së ‘mikut të tij’.
‘Uroj mikun tim Donald Trump, që fitoi zgjedhjet presidenciale në Shtetet e Bashkuara pas një beteje të fortë dhe u rizgjodh si president i SHBA-së.
Në këtë periudhë të re që do të filloj për popullin amerikan, shpresoj që marrëdhëniet Turqi-SHBA të fuqizohen, që krizat dhe luftërat globale dhe rajonale, veçanrësisht çështja palestineze dhe lufta Rusi-Ukrainë të marrë fund. Besoj se më shumë përpjekje do të bëhen për një botë më të drejtë.
Shpresoj se zgjedhjet të jenë të frytshme për miqtë dhe aleatët tanë në Shtetet e Bashkuara dhe për të gjithë njerëzimin', shkruan Erdogan në X.
Shefi i NATO-s, Mark Rutte, ka thënë se e ka uruar Trumpin për “fitore si president i SHBA-së”.
Rutte ka thënë se “udhëheqja e tij do të jetë edhe një herë kyçe për ta mbajtur aleancën të fortë. Mezi pres të punoj me të dhe të avancojmë paqen përmes NATO-s”, ka thënë shefi i NATO-s përmes një postimi në X.
I just congratulated @realDonaldTrump on his election as President of the United States. His leadership will again be key to keeping our Alliance strong. I look forward to working with him again to advance peace through strength through #NATO.
— Mark Rutte (@SecGenNATO) November 6, 2024
Ambasada ruse në Shtetet e Bashkuara ka mohuar akuzat për ndërhyrjen e Moskës në zgjedhjet presidenciale amerikane, pasi autoritetet thanë se kërcënimet me bomba të shpikura ndaj stacioneve të votimit dukeshin se kishin origjinën nga Rusia.
FBI-ja konfirmoi se kërcënimet me bomba ndaj disa pikave të votimit në shtete të ndryshme mund të kishin buruar nga domainet e postave elektronike ruse. Megjithatë, FBI-ja tha se asnjë prej kërcënimeve nuk u përcaktua si e besueshme, megjithatë ato shkaktuan mbylljen e përkohshme të disa pikave votimi.
Kjo ka ndodhur pas një vlerësimi të inteligjencës amerikane muajin e kaluar, sipas të cilit operativët rusë ishin pas një videoje të rreme që pretendonte të tregonte dikë duke shkatërruar fletëvotime të dërguara me postë në Pensilvani në fund të tetorit.
Ambasada ruse në Uashington tha se akuzat amerikane ishin pa baza.
"Shpifje dashakeqëse. Shpikur për përdorim në luftën politike të brendshme të Shteteve të Bashkuara. Nuk ka marrë asnjë provë në kontaktet e saj me zyrtarët amerikanë ose edhe ndonjë kërkesë lidhur me historinë që po promovon shtypi" dhe akuzoi autoritetet dhe mediat amerikane për "histeri" lidhur me informacionet e rreme të pretenduara ruse në lidhje me zgjedhjet’, tha ambasada në deklaratat e saj, të raportuara nga agjencia e lajmeve shtetërore RIA Novosti.
Edhe sekretari i shtypit i presidentit rus, Dmitry Peskov, ka mohuar disa herë çdo ndërhyrje zgjedhore nga Moska, duke thënë se akuzat ishin "plotësisht të pabaza," sipas RIA Novosti.
Kryeministrja italiane Giorgia Meloni ka uruar në X presidentin e ri të Shteteve të Bashkuara, Donald Trump.
Meloni thekson se Italia dhe SHBA janë kombe ‘motra’ dhe kanë një aleancë të palëkundur. Meloni shton se këtë aleancë me Trump në Shtëpinë e Bardhë do ta forcojë më shumë.
'Në emrin tim dhe të qeverisë italiane, urimet e mia më të sinqerta për Presidentin e zgjedhur të Shteteve të Bashkuara, Donald #Trump.
Italia dhe Shtetet e Bashkuara janë kombe “motra”, të lidhura nga një aleancë e palëkundur, vlera të përbashkëta dhe një miqësi historike.
Është një lidhje strategjike, të cilën jam i sigurt se tani do ta forcojmë edhe më shumë. Punë të mbarë zoti President', shkruan Meloni në X.
Presidenti francez Emmanuel Macron ka uruar përmes një postimi në X, presidentin e ri të SHBA-së, Donald Trump i cili rikthehet në Shtëpinë e Bardhë për një mandat të dytë.
Macron shkruan se është gati për të punuar me Trump megjithëse bindjet e tyre mund të jenë të ndryshme.
'Urime President @realDonaldTrump.
Gati për të punuar së bashku siç bëmë për katër vjet. Me bindjet tuaja dhe të miat. Me respekt dhe ambicie. Për më shumë paqe dhe prosperitet', shkruan Macron në X.
Presidenti ukrainas Volodymyr Zelensky ka uruar Donald Trump për fitoren në zgjedhjet presidenciale në SHBA.
Përmes një postimi në X, ai shkruan se shpreson që me zgjedhjen e Trump, të vijë edhe paqja në Ukrainë.
“Më kujtohet takimi ynë i shkëlqyer me Presidentin Trump në shtator, ku diskutuam në detaje partneritetin strategjik SHBA-Ukrainë, Planin e Fitores dhe mënyrat për t'i dhënë fund agresionit rus kundër Ukrainës. Vlerësoj përkushtimin e Presidentit Trump ndaj qasjes “paqe përmes forcës” në çështjet globale. Ky është pikërisht parimi që mund të sjellë paqen e drejtë në Ukrainë. Shpresoj që do ta vëmë në zbatim së bashku. Presim një epokë të një Amerike të fortë nën udhëheqjen vendimtare të Presidentit Trump. Ne mbështetemi në mbështetjen e vazhdueshme dypartiake për Ukrainën në Shtetet e Bashkuara. Me padurim pres të uroj personalisht Presidentin Trump dhe të diskutojmë mënyrat për të forcuar partneritetin strategjik të Ukrainës me Shtetet e Bashkuara”, tha Zelensky në X.
Presidentja e Kosovës, Vjosa Osmani, ka uruar republikanin Trump dhe kandidatin e tij për nënpresident, Vance për fitore si “president dhe nënpresident të Shteteve të Bashkuara”.
“Shtetet e Bashkuara mbesin partnere të palëkundura dhe të domosdoshme të Kosovës. Mezi pres të punoj me administratën e re, dhe të thellojmë lidhjet tona unike dhe aleancën strategjike. Zoti e bekoftë Amerikën, lideren e botës së lirë”, ka thënë Osmani përmes një postimi në X.
Komente
Lajme të tjera
-
Fjalimi i plotë i Donald Trump: Unë presidenti i 47-të i Amerikës! Ndaloj luftërat, nuk i filloj
6 Nëntor, 10:29
-
Donald Trump/ Kush është presidenti i 47-të i SHBA! Nga fëmijëria tek miqtë dhe problemet me drejtësinë
6 Nëntor, 10:26 -
'Amerikanët iu kthyen tradicionalizmit dhe vlerave të saj', Tritan Shehu në Report Tv: Trump do mbështesi pavarësinë e Kosovës, mos të ketë iluzione askush
6 Nëntor, 10:25 -
Pse Elon Musk ishte kaq i rëndësishëm për Trump dhe cila do të jetë puna e tij tani? Çfarë është ministria 'Doge'
6 Nëntor, 10:13 -
Ndërhyrje në zgjedhjet amerikane? Ambasada ruse në SHBA e mohon: S'ka asnjë provë, të shpikura për t’u përdorur në luftën e brendshme politike
6 Nëntor, 09:45 -
Tirana e politika shqiptare uron Trump, Rama: Fitore e Jashtëzakonshme! Begaj: Forcojmë më tej bashkëpunim! Berisha: Amerikanët votuan për shpëtimin e vendit nga mafia e Sorosit
6 Nëntor, 09:22 -
Spahiu: Zgjedhjet do i fitojë Donald Trump dhe humbja do pranohet nga Harris
6 Nëntor, 06:16 -
SHBA/ Dita e Zgjedhjeve përgjithësisht e qetë, me probleme dhe vonesa sporadike
6 Nëntor, 03:32 -
Lamtumirë Joe Biden! Presidenti që ‘shëroi’ ekonominë, por nuk e kuptoi ëndrrën e re amerikane
6 Nëntor, 02:10 -
Zgjedhjet në SHBA, Felaj nga Los Angelos për Report Tv: Situata e qetë, pjesëmarrje e lartë e grave dhe të rinjve
6 Nëntor, 01:17 -
Sondazhi i ‘Edison Research’: Tre të katërtat e votuesve thonë se demokracia është nën kërcënim! Ja temat që shqetësojnë mbështetësit e Harris dhe Trump
6 Nëntor, 00:01 -
Harris apo Trump? Kush do të donin shqiptarët të ishte presidenti i SHBA-së! Si ka ndryshuar rezultati në sondazhin e Shqiptarja.com! Votoni dhe ju
5 Nëntor, 22:55
Tani qe fitoj keta kur..t qe benin fushate kundra Trump po i lepihen si lavire sepse karakteri i tyre eshte i tille , do zoti ky i mbyll keto konfliktet dhe te jetoj bota ne paqe
Përgjigjuta hongsha zemren o trump
Përgjigju