'Tufa-Tufa zerdeli'...Tritan Kalo apel shqiptarëve: Ju duam e ju ndihmojmë, por edhe ju duhet të kuptoni mundin tonë

TIRANË - Mjeku infeksionist Tritan Kalo u bën apel qytetarëve që të qëndrojnë në shtëpi. Ai ka publikuar foto në Tiranë se si rrugët që gëlonin nga njerëzit ishin boshatisur, një mënyrë kjho për të dalë fitues në luftën e përbashkët kundër koronavirusit mes mjekëve dhe vetë qytetarëve.

"Shpresoj sot më shumë se sa dje që mesazhi i “Distancimit social” ka filluar pak nga pak të dëgjohet. Rruga “Muhamet Gjollesha” dhe ajo e “Kavajës” dje rreth orës 15:30, gëlonin nga “tufa-tufa zerdeli” të rinjsh e të rejash dhe jo vetëm ata por edhe të moshuar, ndërsa sot ato në të njëjtën orë ishin bosh. Bashkatdhetarë, ju duam, ju ndihmojmë, ju dëgjojmë dhe do t’ju gjendemi gjithmonë pranë kur ju të keni nevojë për ne, por edhe ju duhet të kuptoni lodhjen e mundimin tonë e mbi të gjitha, rrezikun infektimit me të cilin përballet vetë stafi mjekësor duke u përkujdesur për ju. Resektoni me bindje këshillat tona. Kujdesuni edhe më shumë për veten tuaj. Me mirkuptim dhe me mirëbesim ndaj njëri-tjetrit, ne patjetër do t’ia dalim mbanë! We will win that war with an invisible enemy! God bless Albania and albanians!", shkruan Kalo në rrjetin social Facebook.

G.M./B.K./Shqiptarja.com

TAG:
• tritan kalo
• Koronavirus
• koronavirusi ne shqiperi