POP 5

Lajmet më të lexuara të 5 minutave të fundit

Shëndeti

Turi i llogaridhënies, Manastirliu: Rehabilitojmë Qendrat Shëndetësore të Vorës dhe Gërdecit

Në ndalesën e radhës në turin e llogaridhënies publike, Ministrja e Shëndetësisë dhe Mbrojtjes Sociale zhvilloi një takim me banorët e Njësisë Administrative Bërxull.
Turi i llogaridhënies, Manastirliu: Rehabilitojmë Qendrat Shëndetësore të Vorës dhe Gërdecit

Ministrja e Shëndetësisë dhe Mbrojtjes Sociale, Ogerta Manastirliu gjatë takimit me banorët e Njësisë Administrative Bërxull

Bërxull, Vorë - Qendra Shëndetësore e Gërdecit dhe ajo e Vorës do të rehabilitohen këtë vit me investimin e buxhetit të shtetit, në kuadër të programit kombëtar të Qeverisë për rehabilitimin e 80 qendrave shëndetësore në të gjithë vendin.

Në ndalesën e radhës në turin e llogaridhënies publike, Ministrja e Shëndetësisë dhe Mbrojtjes Sociale zhvilloi një takim me banorët e Njësisë Administrative Bërxull. Banorët ngritën problemet e ujit të pijshëm, rrugëve dytësore, qendrave shëndetësore të zonës dhe legalizimin e banesave. 

Ministrja Manastirliu deklaroi se vetëm në Qarkun e Tiranës këtë vit do të rikonstruktohen 14 qendra shëndetësore, mes të cilave për këtë zonë do të investohet në qendrën shëndetësore të Vorës dhe ambulancën e Gërdecit.

Si asnjëherë më parë investojmë për fuqizimin e kujdesit Parësor. Kemi nisur programin kombëtar të rehabilitimit të 300 qendrave shëndetësore në këtë mandat. Vetëm për vitin 2018 do të rehabilitojmë 80 qendra shëndetësore nga veriu në jug të vendit.

Ministrja e  Shëndetësisë, Ogerta Manastirliu

Ministrja e Shëndetësisë ftoi banorët t’I drejtohen platformës së bashkëqeverisjes Shqiperiaqeduam.al për çdo shqetësim për të cilin nuk kanë gjetur zgjidhje në dyert e Bashkisë Vorë apo për të cilin I kanë sorollatur punonjësit apo drejtorët në zyrat e shtetit.

Qendrat shëndetësore që rehabilitohen këtë vit në qarkun e Tiranës në kuadër të projektit kombëtar të rikonstruksionit të 80 qendrave shëndetësore:

- Qendra Shëndetësore nr 10 (pranë Oxhakut)
- Qendra shëndetësore 10 (pika)
- Qendra Shëndetësore nr 4
- Qendra Shëndetësore “Qyteti Nxënësve”
- Qendra Shëndetësore nr 9 (pika 9)
- Qendra Shëndetësore Baldushk
- Qendra shëndetësore Kashar 1
- Ambulanca Lagjia e Re, Ndroq
- Ambulanca Gërdec
- Qendra shëndetësore Babrru
- Qendra shëndetësore Bathore Lagjia 1
- Qendra shëndetësore Pezë e Madhe
- Qendra shëndetësore Gosë
- Qendra shëndetësore Kryemëdhenj

Veç këtyre qendrave të parashikuara në programin e rikonstruksionit të 80 Qendrave Shëndetësore në 2018, do të rikonstruktohet edhe qendra shëndetësore e Vorës dhe Saukut, në bashkëpunim me projektin “Shëndet për të Gjithë” si dhe Dispanceria e Tiranës, me financim nga buxheti I shtetit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindja në Tiranë/ koncerti i Merita Halilit elektrizon sheshin 'Skënderbej', kthehet në pistë vallëzimi

Krishtlindja në Tiranë/ koncerti i Merita Halilit elektrizon sheshin 'Skënderbej', kthehet në pistë vallëzimi

26 Dhjetor, 07:36