POP 5

Lajmet më të lexuara të 5 minutave të fundit

Kronikë

Turisti australian Cameron Twiss zhduket gjatë shëtitjes në Shqipëri! Humbi gjurmët në Valbonë rreth 6 javë më parë, i vëllai niset për ta kërkuar (FOTOT)

Cameron Twiss doli i vetëm më 13 Tetor për një shëtitje në shtegun e rrezikshëm Valbonë-Theth, pa guidë shoqëruese dhe s’u pa më. Sendet e tij u gjetën në bujtinën ku po qëndronte. “Daily Mail” shkruan se i vëllai është nisur në Shqipëri, të dhënat e fundit hetimore i përkasin datës 2 Nëntor, asnjë gjurmë për 28-vjeçarin

Turisti australian Cameron Twiss zhduket gjatë shëtitjes në Shqipëri! Humbi gjurmët në Valbonë rreth 6 javë më parë, i vëllai niset për ta kërkuar (FOTOT)

Cameron Twiss, turisti australian i humbur në Valbonë dhe një anëtar shqiptar i kërkim-shpëtimit

Një turist australian rezulton se është zhdukur teksa po ecte në Shqipërinë e veriut. Pasaporta dhe sendet e tij janë gjetura në bujtinën ku kishte qëndruar, teksa ka qenë duke vizituar zonën e Valbonës (Tropojë).

Cameron Twiss, 28 vjeç, nga Adelaide, u pa për herë të fundit pesë javë e gjysmë më parë, kur u nis për një shëtitje nga fshati Valbonë, në veri të vendit tonë, raporton britanikja “Daily Mail”.

Autoritetet shqiptare në Kukës kanë nisur përpjekjet e kërkimit dhe vëllai i tij ka udhëtuar në Shqipëri, për t'i ndihmuar ata, por asnjë gjurmë e Twiss nuk është gjetur deri më tani.

Hetimet e deritanishme tregojnë se turisti 28-vjeçar ishte nisur në një shteg të njohur ecjeje që lidh Valbonën, me fshatin e afërt Theth, më 13 tetor, territor ky i njohur për vështirësinë dhe rrezikshmërinë e tij nëse nuk ke një guidë të mirë shoqëruese.

Udhëtimi 10-orësh ndjek një rrugë 17 km që përfshin një kalim malor, përmes një zone të largët të Alpeve Shqiptare ku nuk ka rrugë.

Rekomandohet të kesh një udhërrëfyes lokal, por sipas autoriteteve që u referohet edhe gazeta britanike, Twiss ishte larguar vetëm.

Shërbimi i Kërkimit të Shpëtimit Malor të Kosovës dhe Shërbimi i Kërkimit të Shpëtimit Malor të Shqipërisë kanë kryer një kërkim në këmbë dhe me dron.

Përditësimi i fundit i disponueshëm publikisht ishte më 2 nëntor, i cili tha se kërkimi ishte pezulluar në pritje të informacioneve të mëtejshme.

“Anëtarët tanë në bashkëpunim me Policinë e Shtetit kontrolluan sot shtegun që të çon nga Valbona në Theth dhe zonat e dyshuara, ku turistët hasin më shumë vështirësi”, tha shërbimi. "Por kërkimi i sotëm nuk rezultoi në asnjë shenjë të personit", shtoi më tej, teksa “Daily” e raportoi lajmin më 19 Nëntor.

Kushdo që ishte në zonë me informacion u kërkua të kontaktonte autoritetet.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43