POP 5

Lajmet më të lexuara të 5 minutave të fundit

Ekonomi

Turizmi arrin shifra rekord, 7.2 milionë të huaj vizituan Shqipërinë në janar-gusht 2023

Ky sezon turistik ka qenë historik për vendin, ndërkohë që raportohet se vetëm në 8 muajt e para të këtij vitit kanë hyrë në Shqipëri rreth 7.2 milionë shtetas të huaj

Turizmi arrin shifra rekord, 7.2 milionë të huaj vizituan Shqipërinë në janar-gusht 2023

Këtë vit , Shqipëria ka përjetuar sezonin e saj më të mirë turistik, me shifra rekord vizitorësh të huaj. Sipas të dhënave të INSTAT për 8-mujorin e 2023, numri i shtetasve të huaj që kanë hyrë në territorin shqiptar arriti gati 7.2 milionë persona (7.190.410).

Numri i shtetasve të huaj pësoi një rritje prej 26.9% në krahasim me të njëjtën periudhë të një viti më parë.

Në kulmin e sezonit turistik, që është muaji gusht, në vend kanë hyrë rreth 2 milionë shtetas të huaj, ose 18.3% më shumë sesa gushti i një viti më parë. Ndërkohë vendin e vizituan mbi 1.7 milionë vizitorë të huaj gjatë muajit korrik, ndërsa në qershor mbërritën mbi 1 milionë shtetas të huaj.

Sipas INSTAT, në Gusht 2023, rajoni me numrin më të lartë të hyrjeve të shtetasve të huaj në Shqipëri është rajoni i Evropës me 1.951.489 shtetas, pasuar nga Amerika dhe Azia Lindore /Paqësori, përkatësisht me 40.106 dhe 12.335 shtetas.

Në Gusht 2023, krahasuar me Gusht 2022, hyrjet e shtetasve të huaj janë rritur:
– për qëllime personale me 18,2%;
– për qëllime pushime, vizitë tek të afërm, etj. me 22,5%;
– për biznes dhe qëllime profesionale me 34%.

Të dhëna të tjera të Ministrisë së Turizmit bëjnë të ditur se shtetasit nga Kosova vijojnë të zënë pjesën më të madhe të hyrjeve në Shqipëri, me rreth një të tretën. Këtë vit, për herë të parë italianët kaluan të dytët me rreth 10%, të ndjekur nga vendet e tjera të rajonit, Mali i Zi e Maqedonia e Veriut.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Or tej: 26/09/2023 13:10

    Vje tjetri per funeral, keto e shenojne si turist or teeeejjjjj

    Përgjigju
  • Gazepi: 26/09/2023 08:42

    Mos harroni te fusni edhe ne lista edhe ata te 10 viteve te fundit. Keto duhet te jene te dhena patronazhistash ose ripjedhsash ose xhepistas te kuq si Ramushi

    Përgjigju
  • Llogaritari: 26/09/2023 07:54

    Ore jemi shume dakort me turistat, por te marrim shembull se keto turista harxhuar afersisht 500 Eur/person, pra i bie qe jane ne qarkullim 350 mln Eur!!! Une nuk kam pare gje, po ju?

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27