Turizmi kalon krizën e COVID-19, në 6 muajt e parë të këtij viti rreth 420 mijë hyrje në vend më shumë se në 2019-n, viti i fundit para pandemisë

Në 6 muajt e para të këtij në Shqipëri kanë hyrë rreth 2.55 milionë qytetarë, shtetas shqiptarë ose të huaj, një rritje shumë e madhe krahasuar me një vit më parë kur ishin 1.68 mln hyrje në vend, ndërkohë që është tejkaluar ndjeshëm edhe viti 2019, i fundit normal para nisjes së pandemisë së COVID-19.

Edhe ky sezon dominohet nga kosovarët, pasi këtë gjashtëmujor kanë hyrë në vend 12,6 % më shumë shtetas nga ky vend. Janë në total mbi 969 mijë shtetas kosovarë që kanë hyrë në Shqipëri në këtë gjashtëmujor, nga rreth 861 mijë që ishin në të njëjtën periudhë vjet. Pastaj me numrin më të lartë të hyrjeve është Maqedonia e Veriut me 289 mijë, ndjekur nga Greqia e Mali i Zi me nga mbi 199 mijë. Sipas raportit rritjen më të madhe e kanë regjistruar hyrjet nga Greqia me 5,1 herë me të njëjtën periudhë të vitit 2021.

Sa i përket daljeve nga Shqipëria, INSTAT raporton se gjatë muajit Qershor 2022, janë 1.262.925 duke shënuar një rritje me 44,6 %, krahasuar me të njëjtën periudhë të një viti më parë. Daljet e shtetasve shqiptarë nga territori i Shqipërisë, gjatë muajit Qershor 2022 janë 498.857. Krahasuar me Qershor 2021, ky numër është rritur me 34,2 %. Daljet e shtetasve të huaj nga territori i Shqipërisë gjatë muajit Qershor 2022, janë 764.068. Krahasuar me Qershor 2021, ky numër është rritur me 52,3 %. Numri i shtetasve shqiptarë të dalë nga territori i Shqipërisë gjatë gjashtëmujorit të parë të 2022, është 2.519.533 duke u rritur 47,9 %, krahasuar me të njëjtën periudhë të një viti më parë.

(Kliko këtu për të lexuar dokumentin e plotë)

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhuxhi: 25/07/2022 15:45

    Statistika kot fare...vleresim klientelist per ti bere qejfin sdi se kujt. Por le ti marrim te mireqena...Simbas kesaj statistike duhen dhe nja 4 miljon turiste ne 6 mujorin e dyte te hyne ne Shqiperi qe te arrihet shifra 6.5 miljon e vitit 2019. Nese optimizmi i teperuar i 6 mujorit te pare merret per baze prape llogarite nuk dalin se mberrime tek 5 miljon. Arithmetike e thjeshte

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lirohet nga qelia ish-kryetari i Bashkisë së Fushë Arrëzit, Fran Tuci

Lirohet nga qelia ish-kryetari i Bashkisë së Fushë Arrëzit, Fran Tuci