POP 5

Lajmet më të lexuara të 5 minutave të fundit

Kronikë

Turku i Alpetit në kërkim edhe
 konsulli ynë i nderit në Turqi

Në skandalin e karburanteve ku u shmangën 5 milion dollarë taksa e tatime ndaj shtetit, rezulton i përfshirë konsulli i nderit i Shqipërisë në Turqi Ibrahim Aktoz. Kjo konfirmohet për Shqiptarja.com nga burime pranë grupit hetimor, të cilët prej 48 orësh kanë nxjerr urdhër arresti ndërkombëtar ndaj konsullit të emëruar nga qeveria Berisha në 2011.
TIRANË - Thellohet skandali me evazionin fiskal prej 5 milionë dollarë me hidrokarburet ku i përfshirë rezulton diplomati shqiptar që përfaqëson Shqipërinë në Turqi, deri pak kohë më parë drejtor i Përgjithshëm i Alpet. Ibrahim Aktoz ish-drejtor i ALPET, aktualisht në kërkim, mësohet se për shumë vite dhe aktualisht është konsulli ynë i nderit në Turqi.

Burime nga Task-forca që po heton këtë rast, thanëpër Shqiptarja.com se diplomati i përfshirë në skandalin e hidrokarbureve është konsulli i nderit i Shqipërisë në republikën turke pranë vilajetit të Anda, Ibrahim Aktoz.

Aktoz rezulton se ka lënë Shqipërinë prej më shumë se 3 muaj duke u larguar drejt Turqisë.

Sipas faksimiles së ambasadës sonë në Turqi, Aktoz është konsull nderi i Shqipërisë në Turqi prej vitit 2011 kohë në të cilën vendi drejtohej nga qeveria e djathtë me kryeministër Sali Berishën.

konsullata nderit ne turqi ibrahim aktoz

Shqiptarja.com ka mësuar ekskluzivisht dhe personat e tjerë të shpallur në kërkim veç Aktoz. Interpol ka listuar si persona të kërkuar biznesmenin turk Ekrem Ozmetel ortak i konsullit si dhe ortakun tjetër shqiptar Fabian Goçi.

fabian goci pasaport

Dy ditë më parë nën operacionin e koduar “Karburanti” në pranga u vendos biznesmeni Aurel Preni si dhe Fiqiri Hoxha, te cilet gjykata këtë të hënë bëri verifikimin e masës së sigurisë dhei la ne “arrest me burg” dhënë në mungesë ndaj tyre.

Po si u përfshi Ibrahim Aktoz në skandalin e shmangies së taksave, detyrimeve tatimore dhe mos pagimin e kontributeve shoqërore e shëndetësore të punonjësve.

Ibrahim Aktoz ka qenë drejtori i përgjithshëm i Kompanisë së karburanteve Alpet, kompani tashmë e mbyllur.

Nga verifikimet e akuzës rezulton se Aktoz në bashkëpunim me Goçin, Prenin dhe Ozmetelin krijuan disa kompani të tjera përfshi “Balkan Petroleum Albania” dhe “Balkan Petroleum International” për të bërë shit-blerje fiktive asetesh.

Të njëjtën skemë, sqarojnë burime pranë Akuzës,  këta persona e përdorën dhe me kompaninë e krijuar rishtazi “Fullpet” në të cilën administrator rezulton Ekrem Ozmetel ndërsa Ibrahim Aktoz në 2013 i ka shtiur atij 20 % të aksioneve.

Pas verifikimit të masave të sigurisë këtë të hënë, pritet që prokuroria t’i drejtohet sërish gjykatës me një kërkesë për vënien në sekuestro të të gjitha kapitaleve, aseteve dhe pronave që disponojnë këta persona deri në përfundim të gjykimit.

ibrahim aktoz tek alpet

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50