Oleg Koval, ukrainasi i cili tre ditë më parë u arrestua me akuzën e vjedhjes së 8.300 eurove një turisti në qytetin e Sarandës, është lënë i lirë nga gjykata, përkundrejt garancisë prej 8 mijë euro.

Koval, u arrestua tre ditë më parë në aeroportin e Rinasit, ku ka qenë së bashku me djalin e tij duke u larguar nga Shqipëria.

Sipas njoftimit të policisë, 43- vjeçari ukrainas, është autori i vjedhjes së ndodhur në lagjen “Nr 1” të qyteti bregdetar, ku në një hotel i ka vjedh shumën prej 8300 eurosh 40- vjeçarit I.P.

Pas kontrollit të ushtruar 43- vjeçarit, policia i ka gjetur 32 prerje 50 euro të cilat i ka sekuestruar në cilësinë e provës materiale. 

Redaksia Online
D.T/Shqiptarja.com