POP 5

Lajmet më të lexuara të 5 minutave të fundit

Kronikë

U arrestua dhe akuzua 2 vite më parë për tenderin e Komisariatit, rikthehet në detyrën e mëparshme komisari Saimir Rrustemi (Historia)

Emërohet shef Rendi në Shkodër. Oficeri i karrierës u gjend përballë vështirësive juridike në Korrik 2022. Bashkë me 13 efektivë të tjerë u akuzuan për shpërdorim detyre, për rikonstruksionin e Komisariatit Malësi e Madhe. Akuzat ndaj tij u pushuan, ndalimi shkaktoi dhe indinjatë qytetare

Shkodër- Policia e Shtetit ka rikthyer në detyrë një nga Komisarët e saj, që dy vite më parë u pezullua, arrestua dhe akuzua për tenderin e rikonstruksionit të Komisariatit të Malësisë së Madhe.

Saimir Rrustemi konfirmohet se së fundmi është riemëruar në detyrën që mbante më parë, si Shef i rendit në Policinë e Shkodrës. Ai ka zëvendësuar në detyrë Genc Reçin, i cili mësohet se është transferuar në postin e shefit të Stërvitjes në Forcat e Ndërhyrjes së Shpejtë, po në Shkodër.

Historia nis fiks dy vite më parë, në muajin Korrik 2022, kur Rrustemi, së bashku me 13 efektivë të tjerë të policisë së qarkut, ra në pranga si i “dyshuar në përfshirjen e disa tenderëve për rikonstruksionin e Komisariatit në Malësinë e Madhe, në vlerën 2 milionë lekë”, bazuar në një kontroll Auditi.

Saimir Rrustemi, gjatë një operacioni policor

Komisari i mohoi publikisht akuzat në atë kohë dhe madje u mbrojt në Gjykatë. Kjo e fundit pasi shqyrtoi aktet e dosjes së Prokurorisë, e liroi tre ditë pas ndalimit, duke lehtësuar masën në “arrest në shtëpi” dhe më pas “detyrim paraqitjeje” për Rrustemin, bashkë me të tjerët, më 24 Gusht 2022. Të njëjtin vendim mori edhe Apeli më pas, më 30 Gusht, duke lehtësuar masat.

Atëkohë u zhvilluan edhe protesta qytetare nga komuniteti në Shkodër, që kërkonin veçanërisht lirimin e komisarit, duke e cilësuar si një "efektiv të ndershëm", madje edhe para institucionit të Gjykatës.

Pasi kaloi një vit me hetime, Prokuroria nuk ka gjetur prova të arsyeshme për ta akuzuar dhe gjithashtu dënuar. Dosja dhe akuzat ndaj tij u pushuan.

Fillimisht Rrustemi u ul vitin e kaluar në detyrë, teksa u emërua në Dibër në sallën operative në Drejtorinë Vendore. Më tej u emërua shef i Krimeve në Komisariatin e Vaut të Dejës për pak muaj dhe këtë vit është rikthyer në postin që mbante para se të arrestohej dhe akuzohej.

Pasi u akuzua dhe nisi betejën për drejtësi, Rrustemi do shprehej: “Ju ishit forca ime! E drejta do dalë në dritë”, teksa tani ka rimarrë gradën dhe pozicionin e punës.

A.Q/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dudasjani: 19/08/2024 11:18

    Si kur Shkodra të ketë nja 10 profesionist dhe i ndershëm si Sajmiri në Shkodër do ishte rendi në rregull!por policia e Shkodërs është e mbushur me polic të pa ndershëm dhe bashkpuntorë të krimit.

    Përgjigju
  • Sondazhi i ditës:

    Kredimarrësit e këqinj s’do marrin më kredi, si e vlerësoni rregulloren e BSH?

Lajme të tjera



×

Lajmi i fundit

Kurbin/ Sherr mes dy familjeve për pronat! Babë e bir plagosin 3 vëllezër, njërin e qëllojnë me armë, 2 të tjerë i dhunojnë fizikisht

Kurbin/ Sherr mes dy familjeve për pronat! Babë e bir plagosin 3 vëllezër, njërin e qëllojnë me armë, 2 të tjerë i dhunojnë fizikisht

19 Gusht, 13:07