Është mbushur gati 1 muaj nga arrestimi i Mirsad Kuçanës për goditjen e policisë me automjet, gjykata e Apelit Tiranë, ka vendosur të ndryshojë masën e sigurisë nga “Arrest në burg” në “Arrest shtëpie”.
Vendimi është marrë ditën e sotme nga një trupë gjykuese e gjykatës së Apelit, e cila pasi dëgjoi palët në procesin gjyqësor, vendosi që Kuçana të lirohet nga burgu dhe të qëndrojë në masën e sigurisë “Arrest shtëpie”.
Mirsad Kuçana nuk ka respektuar urdhrin e policisë për t’u shoqëruar dhe më pas vetëkarantinuar, pasi ishte identifikuar prej policisë, si individ që kishte hyrë në Shqipëri nga Zvicra.
Rregullorja e kërkonte që Kuçana të mos lëvizte por të vetëkarantinohej në banesën e tij. Por Mirsad Kuçana, nuk i është bindur urdhërit të policisë dhe është larguar me shpejtësi në drejtim të Durrësit, aty ku ka dhe banesën.
Një patrullë policie i është vënë nga pas, deri sa ka mundur ta ndalojë në afërsi të Vorës, ku Kuçana ka aksidentuar një automjet policie.
Në momentin e arrestimin policia sekuestroi 12 mijë e 400 franga zvicerane, një thikë, disa karta bankare zvicerane dhe një automjet tip BMW-je . Kuçana, është akuzuar nga prokuroria si një ndër personat ekzekutor të Enton Nikes në vitin 2015 në restorant "Muraga" në Linzë, por në gjykatën e Tiranës është dënuar me vetëm 1.4 vite burg për akuzën e “Moskallëzimit të krimit”.
Ky vendim është hedhur poshtë nga Gjykata e Apelit Tiranë, duke i dhënë pafajësinë Kuçanës. Kuçana mësohet se ka qenë pjesë e strukturave të Policisë së Shtetit prej vitit 2009, kur ai mbaroi Akademinë e Policisë e deri në fillim të vitit 2015.
Menjëherë, pas kursit 6-mujor të policisë, Kuçana u emërua në Patrullën e Përgjithshme të Komisariatit nr. 2, detyrë të cilën e mbajti deri në nëntor të 2013.
Më vonë ai u transferua në Drejtorinë e Policisë së Qarkut të Durrësit, ku edhe atje ka qenë me të njëjtën detyrë, në Patrullën e Përgjithshme. Kuçana ishte larguar nga policia dhe punonte si bodyguard në klubet e natës dhe si roje sigurie në lojërat e fatit në kryeqytet.
Lajme të tjera
-
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
-
Tiranë/ Tensione në seancën e Dan Hutrës! Autori i vrasjes së trefishtë ballafaqohet me të dënuarin të cilit i vrau motrën: Gjakun nuk e fal! Refuzoj të jap deklarime para kësaj monstre
14 Nëntor, 14:36
-
Gjykata Administrative shfuqizon vendimin e Kuvendit për përjashtimin e 24 deputetëve të PD nga seancat plenare
6 Nëntor, 13:10
-
Tiranë/ Dhunuan blogeren Klea Prenga, dalin në gjykatë dy motrat Berishaj! Arrest shtëpie për Marielën, detyrim paraqitje për Antonelën
18 Tetor, 13:58 -
Korrupsion me pacientët e sëmurë me COVID, Prokuroria kërkon 7 vite burg për Tiren, 30 vite për 5 infermieret dhe 6 për kolegen e saj! (DOSJA)
15 Tetor, 09:54 -
Tiranë/ Shtëpia e barit te 'Kadastra' në Selitë, burg për 3 nga 7 të arrestuarit! Gjykata liron me ‘arrest shtëpiak’ 3 punonjësit e OSHEE dhe të akuzuarin tjetër
13 Tetor, 15:30 -
Gjykata e Apelit lë në fuqi vendimin e shkallës së parë për Alda Klosin, sanitaren Rozeta Dobi dhe djalin e saj! Vendimi i plotë dhe masat e dënimit
3 Tetor, 15:54 -
Vrasja e Edmond Papës, Gjykata e Tiranës lë në burg Andrew Boden! 45-vjeçari mohon akuzat: S’jam dorëzuar se s’kam besim te policia, do t'i kallëzoj
30 Gusht, 11:50 -
Thikë për ‘nder’! Darmend Keli mbulon fytyrën me duar: S’doja! U ktheva në shtëpi pa menduar se e vrava
27 Gusht, 16:10
-
Vrau shokun e dhomës me bastun në azil, 78-vjeçari Zyhdi Shehi nuk shtrohet në psikiatri, dërgohet në burgun e Lezhës
13 Gusht, 13:33 -
Noizy e Dj Crax u arrestuan në Lezhë! Gjykata e Tiranës i lë në “arrest në burg” për ekstradim në Kosovë! Akuzohen se dhunuan personazhin e Tik-Tok dhe mikun e tij
8 Gusht, 12:26 -
Akuzat se ka përfituar tendera publikë, vajza e Linda Ramës padit Berishën dhe 6 deputetët e tij për shpifje
10 Korrik, 20:01
