POP 5

Lajmet më të lexuara të 5 minutave të fundit

Kronikë

U kapën me 'presh në duar' në gjyq 
"8 vite burg gjykatëses dhe avokatit"

Ish-gjyqtarja Parashqevi Ademi dhe avokati Gjovalin Ndokaj janë dënuar me nga 4 vite burg secili nga Gjykata e Krimeve të Rënda, pasi akuzohen për korrupsion pasiv të gjyqtarëve dhe funksionarëve të drejtësisë. 
U kapën me 'presh në duar' në gjyq <br />
TIRANE - Gjyqtarja e Lezhës Parashqevi Ademi dhe avokati Gjovalin Ndokaj do të vuajnë në total 8 vite burg pasi Gjykata e Krimeve të Rënda i gjeti ata fajtorë për shpërdorim detyre dhe korrupsion pasiv të gjyqtarëve. Dënimin u vendos këtë të hënë me nga 4 vite secili ndërsa prokuroria në pretencë kërkoi 6 vite për secilin. Të dy përfunduan uljen me 1/3 e dënimit për shkak të pranimit të gjykimit të shkurtuar. 

Kryesuesja e trupit gjykues Irena Gjoka dha këtë vendim në një sallë ku gjyqtarja e pandehur Ademi mungoi ndërsa i pranishëm ishte vetëm avokati Ndokaj. Ademi Dhe Ndokaj u hetuan nga prokuroria pasi në bashkëpunim me njëri-tjetrin i kërkuan një qytetari 200 mijë lekë në këmbim të një vendimi gjyqësor, ndërsa arrestimi i tyre u bë në flagrancë në sallën e gjyqit në Gjykatën e Lezhës.

Prokuroria e Krimeve të Rënda, në më pak se dy muaj ka mundur të provojë mitmarrjen dhe të prangosë gjyqtaren dhe avokatin e të kompletojë dosjen e plotë të kërkesës për gjykim.

Sipas hetimeve rezulton se Ademi dhe avokati Ndokaj i caktuar kryesisht nga kjo gjykatë për shtetasin A.P që bëri denoncimin, kanë kërkuar që për të shmangur dënimin me burg duhej “një kafe” për gjyqtaren. Pas këtij denoncimi është bërë dorëzimi i kontrolluar i parave dhe avokati së bashku me gjyqtaren janë arrestuar në flagrancë.

Pas kontrollit fizik të gjyqtares Parashqevi Ademi dhe avokatit Gjovalin Ndokaj, uniformat blu mundën të sekuestronin dhe sasinë prej 200 mijë lekësh të cilat ishin paguar nga kallëzuesi A.P.

Redaksia online
(S.m/shqiptarja.com)

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Shqipëria dërgon ushtarë në komandën e NATO-s për të ndihmuar Ukrainën

Shqipëria dërgon ushtarë në komandën e NATO-s për të ndihmuar Ukrainën

18 Dhjetor, 18:08