POP 5

Lajmet më të lexuara të 5 minutave të fundit

Politikë

U largua nga Garda pas 11 vitesh, Alibeaj hedh dyshime për Gramoz Sakon: Ka dalë në komunikimet në ‘Sky ECC’

Enkelejd Alibeaj hedh dyshime se Gramoz Sako, që dha dorëheqjen nga kreu i Gardës së Republikës në fillim të shkurtit ka dal në komunikimet në “SkyECC”, në debatin që po zhvillohet për ndryshimet për ligjin e Gardës.

Ndryshimet në ligjin për Gardën e Republikës kaluan me debate te Siguria. Deputeti demokrat Enkelejd Alibeaj ngriti dyshime për atë që ai e quajti rakordim të dorëheqjes së Gramos Sakos dhe prezantimit të menjëhershëm të këtyre ndryshimeve, të cilat pas miratimit sjellin emërimin e kreut të ri përmes një gare të hapur. Alibeaj shkoi më tej me dyshimet e tij për shkaqet e largimit të Sakos, duke përmendur edhe mundësinë e përfshirjes së tij në komunikimet në “SkyECC”.

‘Çështja e telefonave të enkreptuar “SkyECC”. Paska një teori sipas të cilës edhe drejtori i dorëhequr i Gardës së Republikës qenka i përfshirë. Iniciativë e kamufluar e Nasip Naços, i cili bashkë me Ministrinë e Brendshme thonë që nuk kanë pasur asnjë diskutim për të ndryshuar ligjin për gardën. Por, pse pikërisht ditën e dorëheqjes Naço nxori amendamentin për ndryshim të ligjit. Cili zog ua tregoi në dritare nëse nuk keni komunikuar? Por Z. Naço mund të ketë ditur të dhënat nga përdorimi i telefonit “SkyECC”, që ia jep atribut detyra në krye të Komisionit të Sigurisë Kombëtare.’- tha Alibeaj.

Ndryshimet Alibeaj i konsideron politike dhe me emra të paracaktuar, duke pasur parasysh se tashmë kreu i ri i Gardës mund të jetë edhe jashtë saj, mjafton të ketë eksperiencë 10-vjeçare në siguri. Alibeaj foli edhe me emra, ndërsa deklaroi se po jepet me koncesion.

‘Njëri emër i përfolur është z. Çako. Flitet për një tjetër, akoma me e rëndë, një individ nga sektori privat me inicialet E.O., punonjës i një koncesionari të madh afër qeverisë. Jeni duke e dhënë me koncesion.’- u shpreh Alibeaj.

Kreu i Komisionit të Sigurisë, njëherësh edhe propozues i ndryshimeve në ligjin e Gardës, Nasip Naço, dha një koment të shkurtër për pretendimet e Alibeajt.

‘Zoti Alibeaj nëse më dëgjon, merre detyrë shtëpi dhe gjej koncesionarin dhe thuaje publikisht. Nxirre lepurin nga barku.’- tha Naço.

Një përgjigje e kishte deputeti i mazhorancës, Xhemal Qefalia, i cili kujtoi Gardën që qëlloi për vdekje 4 protestues të 21 janarit.

‘Shqiptarët e kanë të qartë kur ishte e politizuar Garda, kur njerëzit merreshin dhe hidheshin mish për top apo u jepeshin armë dhe qëllohej mbi mishin e protestuesve.’- u shpreh Qefalia.

Ndryshimet të tjera të ligji i Gardës përfshijnë edhe ruajtjen e personaliteteve të tjera, përveç kreut të Kuvendit, Presidentit dhe Kryeministrit, vetëm në rast se u rrezikohet jeta dhe kjo me afate të caktuara nga Këshilli i Ministrave.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

25 Dhjetor, 17:25 nga Arlind Isa