TIRANË- Homazhe me qirinj dhe lule janë zhvilluar mbrëmjen e së premtes në ambientet e jashtme të Art Turbinës në nder të Pirro Manit, një prej korifenjve të skenës shqiptare, pedagogut dhe artistit të dashur.
Edhe pse i mbylli sytë larg atdheut, aktori dhe regjisori i njohur i artit, Pirro Mani mbrëmjen e së premtes mblodhi bashkë në shenjë nderimi emrat e artit si Mirush Kabashi, Ndriçim Xhepa, dramturgu Rruzhi Pulaha, Spiro Duni etj., por edhe ish-studentët e mjeshtrit, që për më shumë se dy dekada, personifikoi teatrin si në skenë, formim, mesazh e regji.
Në nderimet që u bënë një mesazh të veçantë la edhe regjisori Arben Kumbaro i cili e quajti një “njeri shtyllë” që la gjurmë në historinë e artit dhe teatrit shqiptar.
Regjisori i njohur shqiptar Pirro Mani u nda nga jeta në moshën 89-vjeçare nga një sëmundje në Shtetet e Bashkuara të Amerikës, ku prej disa vitesh jetonte së bashku me të shoqen, aktoren e mirënjohur Pavlina Mani dhe familjen e tij.
Kush ishte Pirro Mani?
Pirro Mani që u nda sot nga jeta në moshën 89-vjeçare lindi në 14 prill të vitit 1932 në Korçë. Ai është një nga personalitetet më të shquar në historinë e teatrit shqiptar. Regjisor dhe pedagog i shkëlqyer, për 25 vjet punoi në Teatrin Kombëtar. Studioi në Institutin Shtetëror të Artit Teatror, GITIS, në Moskë. Pas kthimit në atdhe u emërua regjisor i Teatrit “A. Z. Çajupi”, Korçë, të cilin e drejtoi me sukses për rreth tetë vjet. Që nga 1967 – 1992 ka qenë regjisor i Teatrit kombëtar, ku ka vënë me dhjetëra pjesë teatrale. Në karrierën e tij artistike numëron mbi 80 shfaqje. Është nderuar me shumë çmime. Është mjeshtër i regjisë e skenave masive, njohës i thellë i mizanskenës. Shfaqjet kulminante janë "Cuca e maleve", “Fytyra e dytë”, "Arturo Ui", "Gjenerali i ushtrisë së vdekur", “Epoka para gjyqit”, "Nata e 12 -të", “Prometeu”, etj. Është angazhuar edhe në disa filma artistikë. Ka fituar shumë çmime dhe është nderuar me titullin e lartë “Artist i popullit”. Prej disa vjetësh jetonte në Nju Jork, SHBA, së bashku me të shoqen, aktoren e mirënjohur Pavlina Mani dhe familjen. Një prej personazheve më të njohur që ai skaliti përjetësisht në memorien e shqiptarëve është ai i 'ballistit Sali Protopapa' në filmin 'I teti në bronz'.
Lajme të tjera
-
Videolajm/Rishfaqen neofashistët në Itali, nderojnë Musolinin
29 Prill, 16:51 -
Katër muaj pas vdekjes së tij, e bija e Mirush Kabashit rrëfen pse s’e plotësoi dëshirën e aktorit për emrin e djalit
23 Prill, 12:54 -
Aktori Mirush Kabashi ‘Qytetar Nderi’ i Durrësit pas vdekjes! E bija, Mendi Kabashi: Është i vonuar, do doja ta merrte sa ishte gjallë!
18 Prill, 16:33
-
Aktorit Mirush Kabashi i jepet titulli 'Qytetar Nderi' i Durrësit (Foto)
17 Prill, 19:32 -
Lamtumira e një ikone/ Të afërm, dashamirës, politikanë dhe përfaqësues të sportit homazhe për Teodor Vason
18 Mars, 15:43 -
'Mirushi e deshi jetën e skenën deri në fund!' Vajza e Kabashit për Report Tv: Do na mungojë të gjithëve! Babai im i pakompromis, la pas pasuri të madhe
6 Dhjetor 2023, 12:14 -
Homazhet për ‘Mjeshtrin e Madh’/ Artistët të gjithë bashkë për Mirush Kabashin, e bija rrëfen aktorin: E deshi shumë jetën dhe publikun
6 Dhjetor 2023, 08:57
-
“Si i ekzekutuam dhe i groposëm Skënder Çelën dhe Mark Toçin…” - Dëshmia rrëqethëse e gjeneralit të njohur, për dajën e Mirush Kabashit
5 Dhjetor 2023, 20:05 -
‘Një Mirush nuk i vjen më Teatrit!’, aktorja Tinka Kurti përlotet në ‘Frontline Interview’: Disa herë më thoshte mos rri vetëm, hajde të shtëpia ime
5 Dhjetor 2023, 18:56 -
Nis festivali ‘Hapat’, Gjergj Prevazi e regjisorët nderojnë Mirush Kabashin! 2 shfaqje në ditë, të dielën vlerësohen projektet më të mira
5 Dhjetor 2023, 17:15 -
‘Ishte vetë arti’, Margarita Xhepa rrëfen takimin e fundit me Mirush Kabashin: Më buzëqeshi dhe më tha se do bënim film tjetër
5 Dhjetor 2023, 12:22 -
Mirush Kabashi, 'Sokrati' që na nderoi në arenën ndërkombëtare!' Bujar Asqeriu në Report Tv: Në poezi ishte mbret
5 Dhjetor 2023, 12:08
