POP 5

Lajmet më të lexuara të 5 minutave të fundit

Kronikë

Gjyqtarë e prokuror të dënuar/Komisioneri Publik: Duhet të kalojnë në sitën e vetting! Zbardhet ankimi për Ibrahim Hoxhën

Gjyqtar apo prokuror të dënuar të cilët kanë humbur postin pasi ka hyrë në fuqi ligji i vettingut duhet të japin llogari për pasurinë e tyre. Është kjo kërkesa e Operacionit Ndërkombëtar të Monitorimit,që ka ankimuar ndërprerjen e vettingut për gjyqtarin e Tiranës Ibrahim Hoxha, dënuar për korrupsion. Sipas Kushtetutës, vettingut i shpëtojnë vetëm të dorëhequrit.

TIRANË- Mund të jenë në hetim, të dënuar apo shkarkuar, por nuk do të mund t’i shpëtojnë vettingut, për integritetin e tyre profesional e moral dhe pasurinë.

Operacioni Ndërkombëtar i Monitorimit dhe Komisioneri Publik kanë ankimuar ndërprerjen e vetingut ndaj ish-gjyqtarit në dhomën Civile të Tiranës Ibrahim Hoxha, pasi ai humbi postin si pasojë e dënimit penal.

Ish-gjyqtari i dënuar Ibrahim tashmë ka lënë qelinë, por Komisioneri Publik thotë se nuk ka asnjë shkak që Hoxhës t’i ndërpritet vettingu pasi nuk është dorëhequr, por shkarkuar për efekt dënimi.

Deri më tani, sipas aneksit G të Kushtetutës, i shpëtonin vettingut prokurorët e gjyqtarët e dorëhequr nga sistemi i drejtësisë.

"Kërkojmë që shkaqet e këtij ankimi të merren në shqyrtim nga ana e Kolegjit dhe, në zbatim të nenit 66, të ligjit nr. 84/2016, të vendosë:

- Ndryshimin e pikës 1 të dispozitivit të vendimit nr. 316, datë 17.11.2020, të Komisionit të Pavarur të Kualifikimit, me këtë përmbajtje: “1. Të deklarojë të ndërprerë procesin e rivlerësimit kalimtar, për subjektin e rivlerësimit, z. Ibrahim Faqe 7 nga 7 Hoxha, për shkak të humbjes së statusit të magjistratit, pasi është dënuar me vendim të formës së prerë për kryerjen e një krimi”; si dhe

- Të orientojë Komisionin e Pavarur të Kualifikimit për zgjidhjen e çështjeve të ngjashme mbi nevojën për saktësimin e bazës ligjore, arsyetimin ndryshe të vendimit dhe, sipas vlerësimit të Kolegjit, saktësimin e dispozitivit në pikën 1 të tij" - thuhet në dokumentin e ankimimit.

Ky nuk është rasti i parë që në radhët e sistemit të drejtësisë gjyqtar e prokuror kanë humbur postin pas dënimeve nga drejtësia dhe pranimi i kërkesës për t’i kaluar ata në vetting do të hapë një dritare që vetting t’u kërkojë atyre llogari për pasurinë.

Ibrahim Hoxha u përfshi në një aferë korruptive prej 6 milion lekë dhe në vitin 2016 u dënua me 2 vite burgim.

( Kliko këtu ) Ankim i Komisionerit Publik për ndërprerjen e procesit të vettingut për ish-gjyqtarin Ibrahim Hoxha

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Magdalem: 03/12/2020 14:12

    Ky qe ne Berat ka qene thjesht nje gjobaxhi, ne Tirane rra ne rrejte, duhet hetuar per pasurine se kapardisej me Veture BMW 740 me nje vlere rreth 50 mije euro

    Përgjigju
  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

17 Shkurt, 16:55