POP 5

Lajmet më të lexuara të 5 minutave të fundit

Politikë

U padit për shpifje, Këlliçi shpallet i pafajshëm nga gjykata: Inkurajoj qytetarët të denoncojnë blerjen e votës, krimet elektorale

Belind Këlliçi thotë se ka marrë pafajësi të plotë nga Gjykata pasi u padit për shpifje nga Ardian Çela, pas deklarimeve që ka bërë për krimet zgjedhore në fushatën elektorale të vitit 2021

U padit për shpifje, Këlliçi shpallet i pafajshëm nga gjykata: Inkurajoj qytetarët të denoncojnë blerjen e votës, krimet elektorale

Belind Këlliçi

Belind Këlliçi thotë se ka marrë pafajësi të plotë nga Gjykata pasi u padit për shpifje nga Ardian Çela, pas deklarimeve që ka bërë për krimet zgjedhore në fushatën elektorale të vitit 2021. Deputeti demokrat tha se inkurajon qytetarët të denoncojnë blerjen e votës, krimet elektorale dhe presionin ndaj administratës.

‘Në kuadër të tentativës për të më goditur në fushatë elektorale, këtë radhë sërish i keqpëroduri i qeverisë, por edhe i Kryetarit të Bashkisë, Ardian Çela, i cili nuk e di a është në Shqipëri, apo është jashtë, uroj të jetë me shëndet mirë, për shkak të atyre që kemi marrë vesh dy muajt e fundit, uroj të jetë mirë. Sot Gjykata e Posaçme e Apelit la në fuqi vendimin e Gjykatës së Shkallës së parë në Prokurorinë e Posaçme për të më dhënë pafajësi të plotë për deklaratat dhe denoncimin që kam bërë, për krimet zgjedhore në fushatën elektorale të vitit 2021.

Gjej rastin të inkurajoj të gjithë qytetarët që të denonconcojnë të gjitha parregullsitë, fenomenet e blerjes së votës, krimet elektorale nëse ato do të ndodhin dhe jam i bindur që ato kanë filluar shantazhin dhe presionin çdo ditë të administratës publike, i shitblerjes së votës sepse marr çdo ditë denoncime, të ngrenë zërin dhe të denoncojnë. Unë kam ardhur në çdo proces gjyqësor për të pritur këtu jo vetëm Ardian Çelën por këto nga banditët e qeverisë për t’u përballur për ato akuza që kam bërë publike, në mbrojtje të interesit publik, në mbrojtje të qytetarëve dhe kundër fenomenit të shitblerjes së votës.

Ka një tentativë permanente për të goditur opozitën, për të goditur deputetët e opozitës brenda dhe jashtë Parlamentit. Ndërkohë që unë jam tani në SPAK kolegët e opozitës vijojnë të jenë në foltoren e Kuvendit të Republikës së Shqipërisë për të kërkuar fjalën e lirë, për të mbrojtur të drejtat e qytetarëve, për të thënë të vërtetat e tyre dhe për t’i dalë në mbrojtje interesit publik. Problemi është që kemi të bëjmë me një qeverisje tërësisht autoritariste. Me një qeveri e cila po tenton çdo ditë e më shumë të godasë opozitën por që nuk do t’ia dalin dot. Opozita, deputetët e opozitës betejën do ta bëjnë kudo, në rrugë, në sheshe, në Parlament, brenda dhe jashtë sallës së Parlamentit, në gjykata, kudo ku qytetarët kanë nevojë të përfaqësohen.

Unë sot kam ardhur me bindje të plotë që do të merrja pafajësi për shkak se deklaratat e mia publike nuk kanë qenë kundër një individi. Nuk kam asgjë të bëj dhe nuk më intereson as shëndeti dhe as fati i Ardian Çelës. Unë kam denoncuar krimet zgjedhore të ndodhura në vitin 2021 dhe më vjen mirë që vendimi ka qenë, pafajësi e plotë. Kanë qenë një sërë vendimesh të Gjykatës së Shkallës së Parë, por i vetmi që pati kurajon, guximin të shkonte në Apel ishte baroni i OSSHE-së Ardian Çela.

Kam një apel për të gjithë qytetarët, për të gjithë opozitarët. E di që është shumë e vështirë situata në të cilën ndodheni, e di që është i jashtëzakonshëm presioni i administratës publike dhe presioni me kafshatën e bukës së gojës. Dilni zot vendit dhe vetes. Denonconi, ngrini zërin, mos kini asnjë sekondë frikë sepse këta që mund të na duken shumë të fortë me në krye Edi Ramën, ta dini që nuk e kanë fare të gjatë nëse të gjithë bëhemi bashkë. Do të jem këtu përherë për të mbrojtur interesin e qytetarëve. Do të doja shumë që Gjyakata e Posaçme Kundër Krimit të Organizuar dhe Kundër Korrupsionit të më thërrasë edhe për çështjen e Inceneratorit të Tiranës dhe për kallzimet që kemi bërë për korrupsion galopant të qeverisë dhe për të mbrojtur interesin dhe financat publike.’- u shpreh Këlliçi.

Kujtojmë se kreu i OSHEE, Ardian Çela paditi disa nga deputetët demokratë për shpifje pas akuzave të tyre se Çela gjatë zgjedhjeve të 25 prillit ka drejtuar një grup të strukturuar kriminal për blerjen e votës për Partinë Socialiste.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Linda: 23/02/2023 14:13

    Shume mire per ato qe thoni zoti Kellici po kur ju bashkoheni per cenimin e parlamentit nuk mund tju besojm kur ju flisni per krim elektoral.Parregullsi ne zgjedhje ka gjithmon po jo krim cdo qytetar shkon voton per ate qe i pelqen me shume.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu