Atentati në Vlorë/ 6 orë në operacion, i hiqet shpretka, dërgohet në Tiranë anëtari i bandës së Llanajve

VLORE-Mikel Mehmeti 41-vjeç, që u plagos mbrëmë me armë zjarri në një atentat në lagjen Pavarësia në rrugën e Çipajve është transportuar në Tiranë për ndërhyrje të specializuar në një spital privat. Mehmetin e kanë kapur katër plumba, dy në kofshë, një në bark dhe një në brinjë.

Gazetari i Report Tv Armand Xhelili raporton se pas 6 orëve në operacion në spitalin e Vlorës gjendja e 41-vjeçarit, që dyshohet se ka ndryshuar edhe mbiemrin është e qëndrueshme, por mbetet kritike, pasi i është hequr shpretka.

Mikel Mehmeti mbrëmjen e djeshme dyshohet se u qëllua nga dy persona me breshëri, teksa po udhëtonte me makinën e tij Audi A3 me targa AA 653 VC.

E ndërsa asnjëri nga autorët nuk është arrestuar deri tani, është gjetur makina e tyre e djegur pas atentatit, e cila i kishte targat false, ndërkohë që kishte edhe ndërhyrje në numrin e shasisë. (lexo këtu).

Mehmeti është nga Selenica, dhe njihet si anëtar i bandës së Llanajave. Llanajt njihen për masakrën e Çoles, ku pas një sherri në kazino në prill të vitit 2015, u vranë 3 të rinj.

Një nga autorët e masakrës është Aleksandër Llanaj, që po vuan dënimin në burg. Rruga ku ndodhi ngjarja e mbrëmshme njihet si një rrugë ku kanë ndodhur të tjera ngjarje kriminale, ku e fundit ishte vrasja e biznesmenit Vasil Dervishaj më 7 qershor 2018.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Krujë, sekuestrohen 3 mijë fara kanabisi, në pranga 26-vjeçari (EMRI)

Krujë, sekuestrohen 3 mijë fara kanabisi, në pranga 26-vjeçari (EMRI)