U arrestuan si pjesë e grupit/ Nga burgu në arrest shtëpie, Hoxhalliu: Bajrin e kam mik, por s'e strehova

10 muaj pas arrestimit të bujshëm ku godit grupi 'Bajri' në Tiranë dhe në Shkodër që solli arrestimin e Safet Bajrit dhe personave të tjerë, gjykata ka ndryshuar në datë 24 prill masën e sigurisë për dy nga të prangosurit. Ata janë Denis Brajoviç dhe Klaudio Hoxhalliu, ndërsa u arrestuan në shtator të vitit. Sipas policisë, asokohe Hoxhallit iu gjet një armë dhe një thikë, ndërsa u akuza edhe për ndihmë të autorit të krimit.

Pra, Klaudio Hoxhalli u akuza se kishte krijuar kushtet për strehimin dhe lëvizjen për Safet Bajrin. E ndërsa për 10 muaj u la në burg, Klaudio Hoxhalli insistoi duke kërkuar ndryshimin e masës dhe lirimin nga qelia. Kërkesa është pranuar nga gjyqtari Sokol Tona vendosi të ndryshonte masën duke e dërguar nga qelia në arrest shtëpie. Gjykata thotë se bazuar te akti i ekspertimit, Klaudio Hoxhalli nuk rezulton që të jetë i përfshirë me grupin 'Bajri'.

Vetë Hoxhalliu i kontaktuar nga Report TV ka bërë të ditur se në momentin e arrestimit ka qenë në shtëpinë e tij në kryeqytet në zonën e quajtur Xhamlliku. Sa i përket akuzave ai është shprehur se me Safet Bajrin është mik shtëpie, ndërsa mohon që ai ta ketë ndihmuar për t’u strehuar. Ndërkohë që në datë 25 prill u ndryshua masa e sigurisë edhe për Denis Brajoviç. Tani mësohet se dosja në ngarkim të Klaudio Hoxhalliut dhe Denis Brajoviq, është veçuar nga ajo e anëtarëve të tjerë të bandës. Disa muaj më parë u ndryshua masa edhe për Elis Gurin, që gjithashtu ndodhet në arrest shtëpie së bashku me Armir Grimën, që ka qenë trajner i kombëtares së femrave.

Kush është Safet Bajri?
Safet Bajri akuzohet nga Krimet e Rënda si kreu i një grupi kriminal që kryente trafik droge, vrasje dhe trukim ndeshjesh. Ai u prangos në shtator të 2018 gjatë një operacioni masiv policor të FNSH-së dhe RENEA-s që çoi në arrestimin e 11 të fortëve, anëtarë të bandës kriminale "Bajri" në Shkodër. Për Safet Bajrin ka një dënim edhe nga drejtësia belge për shfrytëzim prostitucioni. Në momentin e arrestimit, sapo kanë hyrë forcat RENEA, ai ka hedhur armën e zjarrit pistoletë e cila megjithatë është konstatuar nga efektivët e policisë. Grupi kriminal "Bajri" nga Dobraçi i Shkodrës akuzohet për vrasje me dashje, gjobëvënie, trafik droge dhe pastrim parash. Anëtarë të këtij grupi kriminal akuzohen edhe si autorë të disa prej ngjarjeve kriminale që kanë tronditur kryeqendrën e veriut.

Lexo ketu te gjitha akuzat për grupin Bajri

Vendimi i gjykates per ndryshimin e mases se sigurise per Klaudio Hoxhallin

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Po armen?: 08/05/2019 14:21

    A ka ndonje denim per armajtje pa leje apo te dalim gjith me arme

    Përgjigju
  • Delinquenti: 08/05/2019 13:20

    O gjykata po' per ate armen dhe ate thiken si I bohet apo vetem fakirat te bejne burg KUR DO TE PASTROHET KJO GJENDJE E MJERUME E SHQIPERIS Ah demokracia e leshit me gjith ato qe e shpiken ne shqipri se tamon kjo eshte e shpikme se emer tjeter nuk ka.

    Përgjigju
  • Sondazhi i ditës:

    Grupimi Berishës koalicion me LSI për zgjedhjet e 6 marsit. Mendoni se ky vendim do u sjellë:



×

Lajmi i fundit

John

LSI-qeverisë: Lehtësoni rimbursimin e ilaçeve të COVID! Qeveria merr borxh, por nuk ndihmon qytetarët