POP 5

Lajmet më të lexuara të 5 minutave të fundit

Kronikë

U shkarkuan nga Vettingu/ Gjykata e Strasburgut kërkon të dhëna për rastin e Altina Xhoxhajt dhe Besa Nikhasanit

A kanë qenë të drejta proceset e vettingut për ish-gjyqtaren kushtetuese Altina Xhoxhaj dhe prokuroren  Besa Nikhasani, të shkarkuara. Gjykata e Strasburg në të cilën është ankuar Xhoxhaj dhe Hasani tashmë kanë pyetur qeverinë shqiptare dhe pritet të dalin me një vendim nëse janë respektuar të drejtat e njeriut gjatë séance dhe vendimmarrjes në vetting.

Gjykata e Strasburgut i kërkon shtetit shqiptar të dhëna për procesin e vettingut për dy nga 15 ankimet e depozituara deri më tani në këtë gjykatë. Report Tv ka mësuar se deri më tani Strasburgu ka përfunduar fazën e parë të shqyrtimit për padinë e ish gjyqtares kushtetuese Altina Xhoxhaj shkarkuar nga ky proces dhe prokuroren Besa Nikhasani.

Disa nga pyetjet që Report Tv ka mësuar se Strasburgu i ka dërguar shtetit shqiptarë drejtuar avokaturës së shtetit janë: 

1) A i përmbush Kolegji i Posaçëm i Apelimit kriteret e parashtruara në ligj, për t`u konsideruar si ‘’gjykatë’’ sipas nenit 6 të Kushtetutës?

2) A ka pasur aplikuesi një proces të drejtë gjyqësor, në veçanti a ishte dhoma e Apelit e pavarur dhe e paanshme siç e kërkon ligji?

3) A ishin të qarta dhe të aksesueshme në të gjitha fazat, dispozitat ligjore që garantojnë mbrojtjen e të drejtave të aplikuesit? 4) A ka pasur ndërhyrje lidhur me të drejtën e aplikueses për të respektuar jetën e saj  private, mbi bazë të nenit 8, pas shkarkimit si prokurore?

Këto pyetje mbajnë datën 18 qershor 2019 ndërsa jo zyrtarisht Report Tv mëson se tashmë avokatura e shtetit ka përcjell dhe përgjigjet e saj drejt Strasburgut.

Në prill 2018 vettingu shkarkoi nga detyra gjyqtaren kushtetuese Altina Xhoxhaj e cila rezulton se teksa ky ligj ishte paditur në kushtetuese ajo votoi pro procesit të vettingut.

Po ashtu vettingu shkarkoi edhe prokuroren e Shkodrës Besa Nikhasanaj e cila po ashtu i është drejtuar Strasburg.

Ndërsa padia e parë dërguar në Strasburg për parimet e shkelura gjatë procesit të rivlerësimit është ajo e ish gjyqtarit kushtetues Fatos Lulo për të cilën ende s'kanë mbërritur pyetjet nga Strasburg.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Skënder Minxhozi: Të gjuash me gur Evropën që të dëgjojë 'sherifi'

Skënder Minxhozi: Të gjuash me gur Evropën që të dëgjojë 'sherifi'

30 Mars, 15:31 nga Skënder Minxhozi