POP 5

Lajmet më të lexuara të 5 minutave të fundit

Bota

U vra nga ish-partneri në Itali, funerali i Klodiana Vefës të shtunën në Shqipëri, hapet llogari bankare për dy fëmijët jetimë

Është nisur sot drejt Shqipërisë trupi i pajetë i Klodiana Vefës, 37-vjeçares shqiptare që u vra nga ish-bashkëshorti i saj shqiptar mbrëmjen e 28 shtatorit në Castelfiorentino të Firences

U vra nga ish-partneri në Itali, funerali i Klodiana Vefës të shtunën në Shqipëri, hapet llogari bankare për dy fëmijët jetimë

Klodiana Vefa

Trupi i pajetë i Klodiana Vefës, 37-vjeçares shqiptare që u vra nga ish-bashkëshorti i saj shqiptar mbrëmjen e 28 shtatorit në Castelfiorentino të Firences në Itali është nisur sot drejt Shqipërisë. Funerali do të zhvillohet ditën e shtunë (7 tetor).

Mediet italiane njoftojnë se komuna e Castelfiorentino ku familja shqiptare jetonte prej kohësh ka hapur një llogari bankare për të mbështetur fëmijët e Klodianës.

“Sapo mora një telefonatë nga Alessio, djali i Klodianës, duke më njoftuar për nisjen e tij dhe të motrës për në Shqipëri, ku do të bëhet varrimi i Klodianës të shtunën me vullnet të familjes. Solidariteti ndaj kësaj familjeje është vërtet i madh. Ne po punojmë që ta rrisim këtë solidaritet maksimalisht në ndihmë konkrete për dy fëmijët, që e gjejnë veten pa të dy prindërit pas kësaj tragjedie". Për momentin ajo që kemi rënë dakord është që kjo llogari rrjedhëse e Bashkisë të vihet në dispozicion për çdo donacion, i cili do të vihet në dispozicion të tyre: IT94F0842537790000010299535. Arsyeja duhet të jetë: Klodiana”, u shpreh drejtuesi i komunës Alessio Falorni.

Nëna e dy fëmijëve u ekzekutua me plumb në kokë mbrëmjen e 28 shtatorit 2023 në mes të rrugës nga ish bashkëshorti i saj. Dy ditë pas vrasjes së gruas, muratori 44-vjeçar kreu vetëvrasje dhe u gjet pa jetë në fshatin San Casciano. Në rrëfimet e të afërmve përmendet “një xhelozi shumë e fortë” e shqiptarit i cili edhe pse ishte ndarë me të, nuk e ka pranuar të shihte Klodianën të dilte për tu takuar me një italian 52-vjeçar.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fol shqip: 05/10/2023 02:10

    Shqip thuhet varrim e jo funeral.

    Përgjigju
  • Ceni: 05/10/2023 00:58

    Ky eshte ne rradhe te pare nje deshtim i shtetit Italian sepse nuk arriti te mbronte kete nene! Ngushellime familjes!

    Përgjigju
    • Mira: 05/10/2023 22:22

      Shteti italjan po degradon çdo dite po nuk ka lidhje,po ktu ka munguar nje psikolog per kete burre te semure nga trute,rrezik kush e ka kojshi jo ne shtepi...zot ndihmo femijet e pafajshem????

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54