Nëse lind nevoja për fonde shtesë në projektet e investimeve buxhetore në vitin 2023, duhet që të miratohen paraprakisht edhe nga Ministri i Financave dhe Ekonomisë. Përveç se investimet publike sidomos ato në rrugë bëhen më kosto të larta, shtesat e punimeve janë bërë të zakonshme, duke i nxjerrë shpenzimet buxhetore jashtë kontrollit për disa projekte. PSh kostot në rrugën Kardhiq-Delvinë, Qukës- Qafë-Plloçë, rrugën e Arbrit, Unazën e Madhe kanë dalë nga kontrolli në raport me kontratat për punime shtesë.
Për të frenuar përdorimin e instrumentit “shtesë punimesh” një udhëzim i Ministrisë së Financave për zbatimin e buxhetit 2023 përcakton se shtesat në planin e miratuar të projekteve të investimeve publike në kuadër të kontratave për punime ose të ndryshimeve ne planin e projekteve, si dhe rialokimet e fondeve ndërmjet projekteve gjatë zbatimit të buxhetit, do të bëhen me miratim paraprak të Ministrit të Financave dhe Ekonomisë, bazuar ne relacionin dhe argumentet mbi domosdoshmërinë e tyre.
Gjithashtu në përpjekje për të vënë rregull në investimet publike Ministria e Financave udhëzon që njësite e qeverisjes qendrore në detajimin e planeve të miratuara të investimeve, do të mbajnë parasysh këto kritere dhe përparësi në financimin e projekteve:
1-Projektet e investimeve të propozuara për financim duhet të jenë pjesë e projekteve të propozuara dhe të shqyrtuara nga Këshilli i Ministrave dhe te paraqitura në Kuvend, për vitin 2023.
2- Projektet në vazhdim nga viti 2021-2022 ose me parë do të financohen me përparësi dhe duhet të jenë pjesë e prioriteteve të propozuara për financim gjate vitit 2023.
Në maj të këtij viti zhvillohen zgjedhjet vendore, të cilat rrisin ekspozimin e buxhetit ndaj financimit të projekteve zgjedhore. Që tani thesari i shtetit ka rritur pagesat për projektet e investimeve ndaj bashkive.
Ministria e Financave udhëzon gjithashtu se likuidimet e faturave kontraktore, të jenë në linjë me ecurinë fizike të punimeve. Projektet e reja te propozuara për financim duhet të kenë kaluar procedurat e miratimit në kuadër të PBA-se 2023-2025 si dhe bazohen në kriteret e përcaktuara në Vendimit të Këshillit të Ministrave të datës 27 dhjetor 2022 “Per procedurat e menaxhimit te investimeve publike”.
Nëse projekti i propozuar nuk ka qene pjese e PBA-se 2023-2025 dhe nëse nuk plotëson asnjë nga kushtet e rregulluara me ligj, kërkesa për financim duhet te paraqitet vetëm ne kuadër të rishikimit të buxhetit vjetor, përcakton më tej udhëzimi për zbatimin e buxhetit 2023.
Fondet për projektet e reja të investimeve për blerjen e pajisjeve elektronike/informatike dhe sisteme iT, që lidhen me Teknologjinë e informacionit, bëhen efektive pas lidhjes se kontratës nga Agjencia Kombëtare e Shoqërisë se Informacionit (AKSHI).
Lidhja e te gjitha kontratave për blerjen e mallrave dhe shërbime për mirëmbajtjen e sistemeve TI (shpenzime kapitale dhe korente), kryhet nga AKSHL./Monitor
Komente
Lajme të tjera
-
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor, 14:43 -
Profesionet e lira, Ministria e Financave te ‘Ligjet’: Rimbursimi brenda 30 dhjetorit! Çupi: Dështimi i radhës
16 Dhjetor, 14:42 -
Shpërblimi i pranverës sa i këtij fundviti? Vendimi merret këtë muaj, do jetë mbi 5 mijë lekë
11 Dhjetor, 15:32
-
‘Shkrihet’ Drejtoria, 2 ‘SH.A’ për Hekurudhën shqiptare! Transporti i pasagjerëve në duart e privatit, PD: Punonjësit po paguhen kot (VIDEO)
10 Dhjetor, 17:50
-
Borxhi publik i Shqipërisë më 2025 do arrijë në 14,5 miliardë euro! Në fillim të vitit pritet emetimi i Eurobondit prej 650 mln euro
9 Dhjetor, 17:56
-
Si do jetë gjendja financiare e familjeve në 2025-ën? Qeveria parashikon rënie papunësie, rroga më të larta dhe të ardhura për frymë mbi 10 mijë euro
7 Dhjetor, 17:50
-
Borxhi publik afatshkurtër ka rënë në nivelet më të ulëta historike
2 Dhjetor, 12:44 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Mbledhja e Qeverisë, Vasilika Vjero largohet nga posti i zv/ministres së Financave pas katër vitesh
27 Nëntor, 18:05 -
Shumë të ardhura pak shpenzime! Suficiti arrin në 720 mln euro, në 10 muaj u mblodhën 5.8 mld euro! U shpenzuan 5.1 mld euro
26 Nëntor, 16:22
-
Fatos Çoçoli: Rilindja e pensioneve?
21 Nëntor, 18:45
-
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36
Sa me shpejt nje pune si pastrues te ministri or teeeejjjjj
Përgjigju