Europa League rrit premiot, kualifikimi ne grupe vlen 3,7 milionë €

Klubet shqiptare pjesëmarrëse në Europa League, do të përfitojnë financiarisht më shumë se vitet e tjera. UEFA ka rritur shpërblimet për sezonin e ri, duke nisur që nga turet paraeliminatore dhe deri te pjesëmarrja në grupe.

Vetëm kualifikimi në Europa League vlen 240 mijë euro, ndërsa nëse një ekip shqiptar arrin të sigurojë kalimin në grupe, atëherë do të përfitonte plot 3 milionë e 700 mijë euro.

Skuadrat shqiptare bëjnë gjithçka për të marrë pjesë në Kupat e Europës, sepse arritja e këtij objektivi do të thotë të ardhura të kënaqshme financiare. Çdo skuadër pjesëmarrëse në fazën e grupeve do të shpërblehet me 2.92 milionë euro. 

LEXO EDHE:
Hidhet shorti i Conference League, mësoni tetë përballjet e fazës play-off

Çdo fitore në fazën e grupeve vlen 570 mijë euro, ndërsa barazimi 190 mijë euro. Por sa do të përfitojnë skuadrat shqiptare? Prishtina e Superligës së Kosovës, që e nis nga turi paraeliminator, vetëm nga pjesëmarrja përfiton 220 mijë euro dhe, nëse bën mrekullinë e kualifikohet deri në fazën “play off”, do të përfitonte në total 1.3 milionë euro. 

Klubet shqiptare, që e nisin në turin e parë kualifikues, deri në “play off” do të arkëtonin 1 milion e 80 mijë euro. Prishtina, nëse bën të paimagjinueshmen dhe kalon në fazën e grupeve, do të përfitonte në total 3.92 milionë euro (pa marrë në konsideratë shpërblimet për rezultatet pozitive të mundshme në fazën e grupeve).

Ndërsa për ekipet e Superiores Shqiptare, kualifikimi në fazën e grupeve do të vlente 3.7 milionë euro. Vetëm pjesëmarrja për klubet shqiptare, ku këtë vit sipas renditjes bënë pjesë Kukësi, Laçi dhe Luftëtari, vlen 240 mijë euro për secilin ekip. Nëse e kalojnë turin e parë, do të përfitojnë edhe 260 mijë euro të tjera, ndërsa nëse kalojnë turin e dytë marrin edhe 280 mijë euro.

Nëse shkojnë deri në “play-off”, të ardhurave u shtohen edhe 300 mijë euro.  Duke parë që shpërblimet nga FSHF dhe sponsorët në kampionatin shqiptar janë qesharakë, e vetmja mënyrë për të përfituar financiarisht për klubet shqiptare është pjesëmarrja në Europë.  

TAG:
• uefa
• europa league
• shpërblimet

Sondazhi i ditës:

Si ka qene per ju viti 2024?

• I mire

  43.9%

• I keq

  22.8%

• As i mire as i keq

  33.3%

Vota total: 1516

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq