POP 5

Lajmet më të lexuara të 5 minutave të fundit

Arkiva

Ujësjellësi i Durrësit, Dako: Projekti
62 milion €, në shtator nis puna 

"Punimet për zbatimin e projektit madhor të ujësjellësit të Durrësit fillojnë në shtator”. Lajmi u bë i ditur në takimin që Kryetari i Bashkisë së Durrësit, Vangjush Dako, njëkohësish edhe kandidat i majtë për bashkinë e këtij qyteti, zhvilloi me drejtues të lartë të Bankës Botërore, ku u diskutua rreth çështjeve teknike për zbatimin e këtij projektit, si dhe afatet konkrete të zbatimit të punimeve për realizimin e tij.
DURRËS - “Punimet për zbatimin e projektit madhor të ujësjellësit të Durrësit fillojnë në shtator”. Lajmi u bë i ditur në takimin që Kryetari i Bashkisë së Durrësit, Vangjush Dako, njëkohësish edhe kandidat i majtë për bashkinë e këtij qyteti, zhvilloi me drejtues të lartë të Bankës Botërore, ku u diskutua rreth çështjeve teknike për zbatimin e këtij projektit, si dhe afatet konkrete të zbatimit të punimeve për realizimin e tij.
 
Nëpërmjet këtij projekti, zbatimi i punimeve të cilit do të zgjasë një vit, do të trefishohet vëllimi i ujit që furnizon Durrësin, duke i dhënë zgjidhje përfundimtare problemit të furnzimit me ujë të pijshëm të gjithë territorit të Bashkisë së re. Njëkohësisht, ky projekt i jep zgjidhje përfundimtare edhe sistemimit të kanaleve sekondare të ujrave të zeza për qytetin, si dhe të gjithë zonat e reja që i janë bashkëngjitur Bashkisë së re me ndarjen e re administrative-territoriale.
 
Financimi i përgjithshëm i këtij projekti u mundësua nga një grant prej 62 milion eurosh i Bankës Botërore, në vijim të marrëveshjes së nënshkruar në muajin nëntor të vitit 2013 midis Qeverisë shqiptare dhe Bankës Botërore për investimin që përfshin të gjithë Rajonin e qytetit të Durrësit me objekt sektorit e ujit.
 
Me kalimin e shoqërisë Ujësjellës–Kanalizime Sh.a. pranë Bashkisë Durrës në tetor 2013, si dhe faktin që Durrësi është qytet i dytë në Shqipëri për nga madhësia dhe rëndësia ekonomike-turistike, ky qytet mbetet në fokusi të Qeverisë përsa i përket  reformave dhe politikave të saj institucionale dhe financimi i investimeve të rëndësishme.
 
Ja cilët janë 6 komponentët e investimeve parësore të këtij projekti:
 1. Linja e re e furnizimit nga Fushë-Miloti – Durrës = 37.6 milion€ (realizimi brenda 6 muajsh)
 a) Financimi i linjës së re të furnizimit nga Fushë –Miloti, përfshirë një stacion të ri pompimi. Linja do të jetë me një kapacitet prej 630 l/s, ndërsa linja ekzistuese do të përdoret edhe për fshatrat përgjatë linjës. Linja e re do të bëjë që të  3-fishohet sasia e ujit që do furnizojë  Durrësin duke  përmirësuar dukshëm shërbimin e furnizimit të qytetit dhe zonës se plazhit. Ka mbaruar pre-kualifikimi dhe brenda 1 muaji do të dorëzohen ofertat nga firmat pjesëmarrëse, brenda vitit do të fillojë zbatimi.
 b) Përmirësimi i furnizimit me ujë të gjithë zonës rurale përgjatë linjës ekzistuese të burimit Fushëkuqe, që përfshin ndërtimin e disa  rezervuarëve për furnizimin me ujë të  fshatrave.
2. Ndërtimi i Rrjetit sekondar dhe terciar të kanalizimeve në zonën e Plazhit = 5 milion €  (ka mbaruar projekti, tenderohet brenda korrikut, fillon brenda 2015)
Synohet të realizohet shkarkimi i ujërave të ndotura për të gjithë zonën e Plazhit  në kolektorin e ri të kanalizimit nga Përroi Agait në  Impiantin e Përpunimit të Ujrave të Ndotura.
3. Reduktimi i Ujit pa të Ardhura = 2 milion€ (brenda vitit 2015); Synon instalimin e matësave, duke bërë të mundur kthimin 100 %  të konsumatorëve nga ‘’aforfetë’’ në ‘’me matës’’. Matësa elektronik përgjatë linjës për monitorimin on-line të humbjeve.
4. Rehabilitimi i rrjetit të brendshëm të qytetit = 7 milion € (parashikuar të fillojë në 2016) për të përballuar me sukses investimin e ri dhe për të eliminuar ndotjet në qytet.
5. Rehabilitimi i rrjetit të kanalizimeve brenda qytetit (ndarja e ujërave të zeza nga të bardhat) = 4 milion € (parashikuar të fillojë në 2016). Ndërtimi i tre kolektorëve të rinj, të cilet do vazhdojnë me mbledhjen e ujrave të zeza nga zona e Currilave për në stacionin e pompimit nr.8, për të vazhduar  në stacionin e pompimit nr. 7 duke përfunduar në stacionin e pompimit nr. 9. 
6. Rritja e kapaciteteve të Ndërmarrjes UKD dhe ristrukturimi i saj janë pjesë e këtij investimi.
 
Objektivi kryesor i këtij investimi dhe i vetë Ndërmarrjes UKD është plotësimi i nevojave për ujë të pijshëm në të gjithë zonën e shërbimit, si në qytete ashtu edhe në zonat rurale. Gjithashtu, minimizimi i humbjeve, eliminimi i ndotjeve në rrjet,  rritja e faturimit dhe e arkëtimit, është thelbësore për të qenë një ndërrmarje e qëndrueshme ekonomikisht dhe fitimprurëse. Vetëm kështu do të arrihet një shërbim gjithmonë e më cilësor për konsumatorët dhe i përballueshëm ekonomikisht nga ata.
dako
Redaksia Online
(o.b/ Shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Ndërhynë në dosjet e ‘Toyota Yaris’, Suel Çelës dhe 6 të tjera, caktohet gjyqtarja për ish-kryeprokurorin e Vlorës Zarka dhe 3 bashkëpunëtorët

Ndërhynë në dosjet e ‘Toyota Yaris’, Suel Çelës dhe 6 të tjera, caktohet gjyqtarja për ish-kryeprokurorin e Vlorës Zarka dhe 3 bashkëpunëtorët

9 Janar, 19:57