Ish-zëdhënësja e Sali Berishës, njëherësh dhe ish-misi Juela Meçani ka paditur ujësjellësin e Tiranës, për shkak se drejtuesit e këtij institucioni kanë vendosur ta pushojnë nga puna.
 
Padia është regjistruar në 12 nëntor 2015 dhe ka si objekt:“…Detyrimin e palës së paditur t'i paguajë paditësit 2 paga mujore për mos respektim të procedurës në zgjidhjen e marrëdhënies së punës.
 
Detyrimin e palës së paditur t'i paguajë paditësit pagën e 1 muaji për shkak të mosrespektimit të afatit të njoftimit në zgjidhjen e marrëdhënies së punës.
 
Detyrimin e palës së paditur t'i paguajë paditësit 12 paga mujore për shkak të zgjidhjes së menjëhershme të pajustifikuar të marrëdhënies së punës….”.

Redaksia Online
(f.s/shqiptarja.com)