POP 5

Lajmet më të lexuara të 5 minutave të fundit

Sociale

Ulen vdekjet, 21.3% më pak se në vitin 2021! INSTAT: 69% e vdekje për shkaqe natyrale

Vdekjet për vitin 2022 ranë me 21.3% krahasuar me vitin 2021. Sipas raportit të INSTAT, shumica e vdekjeve gati 97% ndodhën për shkaqe natyrale, por ku shkak kryesor mbeten sëmundjet kardiovaskulare. Në statistikat zyrtare  rezulton se ulje pati edhe tek vdekjet e shkaktuara nga vrasjet.

Vitin që kaloi vdiqën 21.3% më pak njerëz se në vitin 2021. Sipas raportit zyrtar të INSTAT, në 2022-shin ndërruan jetë 23.998 persona për shkaqe të ndryshme, ku vdekjet nga shkaqet natyrale zënë pjesën dërrmuese prej 97%. 12.921 nga të vdekurit ishin meshkuj dhe pjesa tjetër prej 11.077 femra, duke pasur vdekshmëri më të lartë te burrat. 2% e totalit të vdekjeve u regjistruan nga aksidentet rrugore dhe çdo aksident në punë, ndërsa vrasjet zënë hapësirë 0.2%, shumë më pak se vetëvrasjet që regjistruan shifrën 0.8%. Sipas raportit të INSTAT shkak kryesor për vdekjet natyrale të shqiptarëve janë sëmundjet kardio-vaskulare, ato të zemrës apo aparatit të qarkullimit të gjakut, me më shumë se 54%, teksa më tej në renditje vijnë sëmundjet të tjera që konsiderohen si të papërcaktuara mirë, tumoret dhe sëmundjet e mushkërisë.

Analizuar për secilin qark, sipas grup sëmundjeve kryesore secili ruan pothuajse të njëjtën strukturë, ku numri më i madh i vdekjeve shkaktohet nga sëmundjet e aparatit të qarkullimit të gjakut dhe të tjerat me radhë, sëmundje të papërcaktuara mirë, tumore dhe të aparatit të frymëmarrjes.

Të miturit kryesisht vdiqën për shkak të sëmundjeve që u shfaqën rreth periudhës së lindjes, për të vijuar me ato të aparatit të qarkullimit të gjakut. Ky grup i fundit është kryesor për moshat nga 20 deri në 80 vjeç plus, ndërsa në veçanti tek moshat 20-44 vjeç vihet re përqindje e lartë prej 30.1% për dëmtimet traumatike dhe helmimet.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46