POP 5

Lajmet më të lexuara të 5 minutave të fundit

Sociale

Ulet numri i studentëve në universitetin e Shkodrës, Rektori: Në raundin e parë u regjistruan 44% nga total i kuotave

Ulet ndjeshëm numri i studentëve në universitetin "Luigj Gurakuqi", të Shkodrës. Kjo edhe për shkak të migrimit të studentëve jashtë vendit dhe drejt Tiranës.

Emigrimi i nxënësve pasi kryejnë shkollat e mesme qoftë jashtë Shqipërisë apo edhe migrimi nga qytetet e veriut drejt Tiranës, ka ndikuar që numri i studentëve edhe këtë vit në universitetin e Shkodrës të jetë i ulët. Tashmë këtë e pranon edhe Adem Bekteshi, rektor i universitetit të Shkodrës “Luigj Gurakuqi”, i cili foli për raundin e parë të regjistrimeve

Në raundin e parë janë të regjistruar në universitetin e Shkodrës 44% nga numri total i kuotave ndërsa rënia me 200 e numrit të studentëve krahasuar me një vit më parë vjen edhe për shkak të një vendimi të Këshillit të Ministrave.

Rektori Bekteshi nga ana tjetër pranon edhe faktin tjetër se kuotat për degë të ndryshme në universitetin “Luigj Gurakuqi” janë të fryra në një kohë kur kërkesat janë më të ulëta. Edhe këtë vit rrezikon që dega e fizikës të mos hapet në universitetin e Shkodrës, ndërsa e diskutueshme është edhe ajo e arteve.

Pas raundit të parë të regjistrimeve, i cili përfundoi dje, jep shifrat që në universitetin e Shkodrës , janë regjistruar 44% e gjithë kuotave që universiteti ka ofruar për nxënësit e shkollave të mesme. Në këto regjistrime janë rreth 200 regjistrime më pak se vitin e kaluar. Këto studentë rezultojnë më pak të regjistruar në programet e mësuesisë. Ne presim që në raundin e dytë të aplikojnë studentë të tjerë, dhe të regjistrohen në programet tona të studimit. Kjo nuk shkaktoi ndonjë kolpas në mbylljen e programeve të studimit ose në mosaktivizimin e tyre. Dega fizikës nuk u hap as vitrine kaluar, po ashtu dhe sivjet. Ndërsa artet janë degë që rrisin larminë e universitetit, ndaj i ftoj të gjithë studentët që kanë prirje në arte të regjistrohen në degët e tyre të preferuara. Në raundin e parë në arte nuk ka pasur shumë regjistrime, por ne presim raundin e dytë që të plotësohen këto degë.

Adem Bekteshi, rektor i universitetit të Shkodrës “Luigj Gurakuqi”

Në raundin e parë vetëm degët mami dhe edukim fizik e sporte kanë kërkesë 100%, infermieria 97%, anglishtja, financë kontabilitet dhe fizioterapia me afro 70%, ndërsa degët e tjera përveç juridik dhe administrim biznes janë nën 50%.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • fran: 14/09/2018 13:17

    thelbi eshte korruposioni i shfrenuar nga themeli ne maje te piramides se universitetit!!!! Nje studenti i bie me lire te m,baroje shkollen ne nje universitet privat sesa ne universitetin e shkodres, ku provim nuk kushton me pak se disa qindra euro

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tentoi të vriste 47 vjeçarin në Fier, arrestohet pas 3 vitesh

Tentoi të vriste 47 vjeçarin në Fier, arrestohet pas 3 vitesh

24 Nëntor, 10:39