Mbrëmjen e sotme është rikthyer në emisionin 'Pa Gjurmë' sërish historia e vogëlushes Bleona Mata e humbur në vitin 2010 dhe prej nëntë vitesh ende nuk ka asnjë gjurmë, pasi mbërritën dëshmi të reja. Në pjesën e parë të emisionit një shqiptar nga Maqedonia, Mehmet Xheladini pas fotove nga Anglia që dërgoi në adresë të nënës së vajzës pak vite më parë është rikthyer sërish.
Ai ka kontaktuar me Bukurie Matën duke i kërkuar dhe marrë para në këmbim të informacionit, pasi pretendonte se e dinte se ku ndodhej vajza. Emisioni 'Pa Gjurmë' kontaktoi me të riun Mehmet Xheladini, i cili bëri një vit burg për mashtrim. Ai tha e di se ku ndodhet vajza në Maqedoni, (në Strumicë) por kërkon 300 euro për taksinë për të ardhur në Tiranë. Stafi i emisionit i vendosi në dispozicion makinën, por ai hezitoi duke lënë të kuptohet qartë se kemi të bëjmë me një mashtrues.
Nëna e Bleona Matës paralajmëroi denoncim në polici për mashtrim për shqiptarin nga Maqedonia për mashtrim. Në pjesën e dytë të emisionit një person nga Shkodra rrëfeu ekskluzivisht se në nëntor të vitit të kaluar në Ulqin kishte takuar një vajzë, që ai pretendon se është pikërisht Bleona Mata. Në studio ishte edhe vëllai i Bleonës, Armendi që u bëri thirrje të gjithë atyre që kanë informacion që ta ndihmojnë që të bashkohet sërish me motrën. Ndërsa Bukurie Mata kishte një përgjigje edhe për akuzat e Pasurim Matës, babai i Qamile Matës, njëra nga pesë vajzat e akuzuara nga nëna për zhdukjen e vajzës.
Dëshmia e shqiptarit nga Maqedonia në studion e emisionit 'Pa Gjurmë'
Bukurie Mata: Mehmet Xheladini vijon që të kërkojë 300 euro për të ardhur në Tiranë. I them do të ketë një shpërblim shumë të madh nëse tregon ku është vajza. Ai ka dërguar një foto tjetër. Xheladini para dy vitesh ka dërguar edhe dy foto të tjera. Vetëm Zoti e di se ku mund të jetë vajza. Vetëm krimineli dhe pesë vajzat që kanë qenë dëshmitare e dinë ku është vajza. Ai gjithmonë rri në kontakt, thotë e di ku është Bleona. Po nuk i sollët kaq lekë...Unë i kam thënë para se të sillte fotot, pastaj fiku telefonin. Ai duhet verifikuar nga shteti, e ka mendjen vetëm te paraja, ai kërkon 300 euro për taksi. Unë do i kisha thënë 3 mijë nëse do e kishte sjellë vajzën. Nëse ka nënë dhe fëmijë Zoti ia lëshoftë mbi kokë këtë që po më bën mua, ky kanibal. Njëherë tha dua 25 mijë euro, njëherë tha 12 mijë euro.
Mehmet Xheladini: Unë jam Meti nga Kërcova. Unë kam dërguar fotot e Bleonës në Angli. Belona tani është në Maqedoni, unë nuk i kam mundësitë me e marrë dhe me e sjellë çikën, e kam larg 280 km larg. Bleona rri në Strumicë momentalisht. Bleonën e mbajnë dy persona, njëri shqiptar dhe tjetri maqedonas, ky i ka ndihmuar nga Greqia të vijnë në Maqedoni. Kur e kanë marrë nga Shqipëria, Belona ka qenë në Greqi, në Maqedoni, shkoi në Angli, pastaj në Maqedoni prapë, Turqi, Angli dhe më pas sërish në Maqedoni. Fotot e vajzës m'i ka dërguar një njeri.
Drejtuesja e emisionit 'Pa Gjurmë' Odeta Dume: Mehmet Xheladini të vijë turp që tallesh me një nënë. Injoroheni! Duhen marrë masa për këtë shqiptar nga Maqedoni. I vendosëm në dispozicion jo një taksi, por 10 nga Tirana. Do të bëjmë denoncim, pasi vijon që të kërkojë para, ka marrë dhe kërkon të marrë sërish.
Në datë 2 prill në emisionin 'Pa Gjurmë' Pasurim Mata, që është babai i Qamile Matës, njëra prej pesë vajzave të akuzuara nga Bukurie Mata që kanë lidhje me rrëmbimin e vajzës dha një tjetër pistë që nuk ishte lakuar asnjëherë deri tani. Ai tha se Bleona Matën e rrëmbeu babai i saj biologjik, pasi Bukurie Mata kishte një lidhje jashtëmartesore. Por mbrëmjen e sotme në emisionin 'Pa Gjurmë' Bukurie Mata iu përgjigj ashpër Pasurim Matës.
"Ai është një familje e degjeneruar, ka trurin e qelbëzuar. Qamilja ka bërë të pabërën. Qamilja dhe Bekimi morën lekët për vajzën time, pasi e shitën. Lekët për shitjen e vajzës sime i hëngri Pasurim Mata. Pasurimi është njeri i degjeneruar, pa moral. Pse gënjen një burrë 75-vjeç? Qamilja një vajzë e lënë dhe përlënë ka pasur pesë dashnorë. Pse nuk e kap shteti Pasurim Matën nëse ai e di ku ndodhet poshtë apo sipër fshatit. Ajo familje e ha turpin me bukë. Atë e rrahin djemtë dhe vajzat e veta. Qamilja është autorja, ajo e di ku ndodhet vajza ime. E kam denoncuar në Kukës, te Krimet e Rënda. Pasurim Mata i del krimit haptas, si guxon ai plak të hajë 12 mijë euro gjakun e Bleonës, e vraftë Zoti. Do ta denoncoj deri në vdekje" tha ajo.
Mbrëmjen e sotme në studio bashkë me nënën e tij ishte edhe vëllai i Bleona Matës, Armendi i cili rikujtoi edhe njëherë momentin e zhdukjes së motrës dhe bëri apel për gjetjen, teksa mbante të veshur bluzën me foton e saj.
"Kur e pashë motrën 16-vjeçe në foto isha shumë i emocionuar sikur e kisha në krah, sikur po bëja detyrat me atë dhe po shkoja në shkollë me atë. Ah ta kisha edhe njëherë në krahët e mia dhe nuk i desha gjë më zotit. Atë ditë kur e morën, Qamilja erdhi dhe e mori në fushë i bleu një çokollata dhe i tha hajde se janë prekur dredhzat (luleshtrydhet) unë nuk dëgjova. Ajo shkoi dhe nuk u kthye më".
Ndërsa Bukurie Mata kishte një mesazh për vajzën e saj. "Për Bleonën jam gati që të jap jetën. I bëj thirrje Bleonës, që të jetë krenare për nënën që ka dhe që ka vëlla Armendin që nuk do të ndalet asnjëherë. Djali çohet cdo mëngjes dhe thotë o Zot ktheje motrën time. Një ditë kam besimin më të madh se do të kthehet në shtëpi. Do të jemi familja më e lumtur që të bashkoja vëlla e motër në shtëpi. Ishalla në këtë muaj të madh të Ramazanit të kemi bashkim të motrës me vëllanë" tha ajo.
Në pjesën e dytë të emisionit 'Pa Gjurmë' një person nga Shkodra që pretendon se e ka takuar Bleona Matën në nëntor të 2018 në Ulqin tregoi LIVE atë që i ka thënë vajza. Dëshmitari që ka kërkur që të mos zbulohet identiteti rrëfeu takimin në qendër të Ulqinit pranë një shkolle dhe cfarë i tha vajza, që sipas tij ishte pikërisht Bleona Mata.
Dëshmia ekskluzive në emisionin 'Pa Gjurmë'
Drejtuesja e emisionit Odeta Dume: Ku e ke takuar vajzën?
Dëshmitari: Ju falenderoj si staf që keni bërë një punë shumë të mirë, por do ta jap disa detaje. Në tetor 2018 kam qenë në Ulqin në Londol dhe aty kam qenë duke pritur pronarin për punë, në trotuar është afruar një vajzë 13-14 vjeç, ka thënë 'babi a po më njeh? Tha jam Bleona Mata, vajza e Bukurie Matës nga Zapoti i Kukësit. Më tha a po më con te shtëpia? Unë gjithnjë mendova mos është ndonjë nga Ulqini, por pasi u ktheva nga emigracioni mora gazetarët e Report Tv dhe u tregova. Për këto detaje unë jam gati që të bashkëpunoj për t'i çuar gazetarët në vendin e ngjarjes, ku bisedova 2-3 minuta. Imazhi i vajzës ishte me ato sytë që janë dhënë gjithnjë, por detaji kryesor ishte shumë e dobët fizikisht.
Drejtuesja e emisionit Odeta Dume: Ka ngjashmëri ajo vajzë me foton e identitikitit?
Dëshmitari: Ngjashmëri kishte nga fizonomia, por fiziku ishte i dobët. Ishte vetëm në Ulqin, ishte afër një shkolle, përballë një marketi në qendër të Ulqinit.
Drejtuesja e emisionit Odeta Dume: Cfarë të tha?
Dëshmitari: Më tha babi ma më njeh? Më tha jam Bleona Mata, a po më çon te shtëpia?
Bukurie Mata: E falenderoj shumë këtë zotëri që mori përsipër që të tregojë vendin. Nëse bën të pamundurën që të na tregojë vendin e falenderoj shumë. Ata nuk mund ta mbajnë të mbyllur gjithmonë vajzën.
Dëshmitari: Jam gati që të bashkëpunoj dhe të udhëtoj sado rrugë të gjatë apo të qëndroj me cdo përkushtim
Avokati i emisionit 'Pa Gjurmë': Në cfarë ore keni qenë aty dhe a ka pasur kamera aty?
Dëshmitari: Ora ka qenë 10:30 e mëngjesit, në orën 10:00 më kishte thënë pronari do të vij të marrë, më pas u përballa me atë vajzë. Distanca nga trotuari në shkollë ishte 50-60 metra.
Avokati i emisionit 'Pa Gjurmë': Ju erdhët në Shqipëri, pasi takuat vajzën?
Dëshmitari: Kam punuar një javë pastaj erdha në Shqipëri. Të shikohen të gjitha kamerat në cdo cep shkolle, të shikohen të gjitha, pasi aty dalin detaje më të reja. Unë mendova se ka dalë nga shkolla dhe është nga Ulqini.
Komente
Lajme të tjera
-
Zbulohet detaj i ri mbi rrëmbimin e Bleona Matës/ Nëna: Banorët dëgjuan të qarat dhe panë dy persona, që e tërhoqën zvarrë
25 Shtator 2020, 15:52 -
Rihapet dosja e Bleona Matës/ Deklarata e nënës në 'Pa Gjurmë': Policia ka shoqëruar 2 nga 5 vajzat që ishin dëshmitare të rrëmbimit
29 Qershor 2020, 17:59
-
10 vite nga zhdukja e Bleona Matës. Shokon gjyshi: Një nga 5 vajzat na tha se Bleona do kthehet në shtëpi
16 Qershor 2020, 21:13 -
Zhdukja e Bleona Matës akoma një mister, viti i 10-të që nuk fik qirinjtë e ditëlindjes pranë familjes
25 Maj 2020, 19:14 -
Dita botërore e fëmijëve të zhdukur/ Policia: Mos u bëj pre e lehtë! Historia e Bleona Matës dhe 2 fëmijëve shqiptarë që s'dihet ku janë
25 Maj 2020, 16:09
bleona e ka mare fijuara vellai te babai bleones mata
Përgjigju