TIRANE- Pikërisht në ditët kur Grupi i Nivelit të Lartë të Ekspertëve ka prezantuar përpara Komisionit të Venecias ndryshimet që pritet të bëhen në Kushtetutë, për ti hapur më pas rrugën reformës në Drejtësi, Unioni i Gjyqtarëve ka zhvilluar një mbledhje, prej nga ka dalë me 30 rekomandime të veçanta.

Në takimin e Unionit të gjyqtarëve, ku morën pjesë rreth 240 gjyqtarë u kërkua që prezenca politike e ministrit të Drejtësisë të mos jetë fare në Këshillin e Lartë të Drejtësisë. Sipas tyre, ministri nuk duhet të ketë asnjë rol në KLD, qoftë ky edhe spektator, siç e ka planifikuar drafti aktual që është përpunuar nga Grupi i Nivelit të Lartë të Ekspertëve.